زوروانلیک لرده باله لر تلفاتی کوپیگن

بیرلشگن ملت لر تشکیلاتی تمانیدن چیقاریلگن ینگی بیر حساباتده افغانستان بویلب یوزبیریب کیله یاتگن زوروانلیک لرده باله لر تلفاتی کوپیگنی ایتیلگن.

باله لر تلفاتینی کوپراغیده طالبان وعصیانچی گروه لر مسوول دیه کورسه تیلگن اوشبو حساباتده.

حسابات 2008 میلادی ییل نینگ سیپتمبر آیدن باشلب یعنی ایککی ییل جریانیده یوزبیرگن زوروانلیک لرده باله لر تلفاتینی اوزایچیده آلگن.

شونینگ دیک گزارشده انتحاری وراکتی هجوملر، ماین اورنه تیش همده حربی عملیات لر باله لر تلفاتینی کوپیشگه سبب بولگنی معلوم قیلینگن.

عینی حالده عصیانچی گروه لر انتحاری هجوم اویشتریش مقصدی بیلن باله لردن سوی استعمال قیلیشه گه اشاره ایتیلگن.

بیرلشگن ملت لر تشکیلاتی نینگ باش کاتبی بانکی مون یوزبیریب کیله یاتگن ناقرارلیک لرده باله لر تلفاتینی کمیتریش اوچون جدی چاره تدبیرلر کوریلیشینی سوره گن.

اوتگن ییلی، قریب بیرمینگ و تورت یوز عادی اهالی یوزبیرگن ناقرارلیک لرده قربان بولگنی خبریلیب، اولرنینگ اکثریتی یول چیککه سیده اورنه تیلگن ماین پارتلش وانتحاری هجوملرده هلاک بولگنی ایتیلگندی.

عکسینچه بیرلشگن ملتلر تشکیلاتی نینگ اوشبو حساباتیده، حکومت طرفدارلری تمانیدن یولگه قویلگن حربی عملیات لرده عادی اهالی تلفاتی اوتمیش لرگه کوره بیراز کمیگنی معلوم قیلینگن.

حساباتده یازیلیشچه ، اوتگن ایککی ییل ده قریب بیرمینگ و سککیز یوز باله زوروانلیک لرنتیجه سیده هلاک و یره لنگن.

لیکن بیرلشگن ملتلر تشکیلاتی نینگ باش کاتبی باله لر تلفاتی بوندن کوره هم کوپ بولیشی ممکن لیگینی ایتگن، اونگه کوره ناقرار منطقه لرده تلفات لر خصوصیده انیق حسابات چیقاریش قیند.

شونینگ دیک بانکی مون باله لرنی جاسوس لیک ویا خارجی لرگه همکارلیک قیلیش عیبلاو بیلن عصیانچی لر تمانیدن اولدریلیشدن جدی خواطر اظهار ایتگن.

میلادی 2010 ییل نینگ جون اییده طالبان عصیانچیلری یتتی یاشیده بولگن بیرباله نی چیت ایللیک کوچلریگه جاسوس لیک قیلیش عیبی بیلن مردم حضوریده اعدام قیلگنی هم بیرلشگن ملت لر حساباتیده ذکر ایتیلگن.

گزارشده اوشبو اعدام قوشیمچه کمیده توقیز باله نی خارجی کوچلرگه جاسوس لیک قیلیش عیبلاوی بیلن طالبان تمانیدن اولدریلگنی خبربیریلگنی ایتیلگن.