کابینه اعضالریدن بیری دایمی قرارگاه قوریلیشگه قرشی

Image copyright not known

افغانستان سوو برق وزیرلیگی نینگ وقتینچه لیک وزیری اسماعیل خان امریکا نینگ افغانستانده دایمی حربی قرارگاه قوریش گه جدی قرشی لیک بیلدرگن.

سابق شورا اتفاقی نینگ افغانستاندن چیقیب کیتیش کونینی نشانلش مراسمیده سوز یوریتگن اسماعیل خان، مدافعه وزیری رحیم وردک نینگ اوشبو ریجه دن حمایت قیلگنینی قتیغ قاره له دی.

" چیگره لرنی سقلش ، بو اولکه ناموسی و مقدساتی نی حمایت قیلیش مسولیتی گه ایگه بولگن بیر مملکت مدافعه وزیری ، خارجی کوچ لرنینگ حضوری سیز اوز مملکتی ده خوف سیزلیک نی تامین لشگه قادر بوله آلمه سلیگینی ادعا قیله دی ،" دیب ایتدی اسماعیل خان

"بیز باشقه بیر مملکت قشون لرینی حاکم قیلیش اوچون کوره شگنیمیز یوق ،" دیب قوشیمچه قیله دی اسماعیل خان.

اسماعیل خان اوشبو سوزی بیلن جهادی رهبرلر نینگ سابق شورا اتفاقی بیلن قیلگن کوره شیشده اشاره قیلگن.

افغانستان مدافعه وزیری امریکا نینگ دایمی حربی قرارگاه قوریشی افغانستان امنیتی اوچون ازون مدتده ثمره لی بولیشینی ایتگن ایدی.

بیراق مدافعه وزیری رحیم وردک بی بی سی بیلن بولگن صحبتیده دایمی حربی قرارگاه قوریلیشی خصوصیده مردم و قانونی نهاد لربیلن مصلحت قیلینشی کیره ک لیگنی تاکید قیلگندی.

اسماعیل خان هرات ولایتیده کی اویشتریلگن یغنده کی سوزیده مدافعه وزیری رحیم وردک دن اوزفکرینی قیته ریب الیشینی سوره گن، اونی ایتشچه افغانستان خلقی اوز کوچیدن فایده لنیب اوز لرینی خوف سزیلیگینی تامین قلیش قابلیتی گه ایگه بولسین.

اونی ایتشچه خارجی کوچلر بولمه سه امنیت نینگ تامین قیلیش ناممکن دیش اورنیده افغان امنیتی کوچلر خوف سیزلیکنی توله تامیش قیلیش اوچون دنیا هم جمعیت مملکت لری زمانه وی قورال اسلحه بیلن اوشبو کوچلرنی جهازلنتریشی لازم.

بوندن آلدین جمهورریس حامدکرزی دایمی دایمی حربی قرارگاه قوریش اوچون افغانستان و امریکا اره سیده مذاکره لر داوام تارتیب کیله یاتگنینی ایتگندی.

امریکا رسمیلری حاضرگه چه بو موضوع نی رسمی بیرشلکده تصدیقه له مه گن.