عیاللر وزیرلیگی ایریم تشکیلات لرنی نظارت قیلماقچی

افغانستان حکومتی خلق آراخیریه تشکیلات لر طرفیدن یورگیزله دیگن عیاللر اوچون وقتینچه لیک باش پنه اوستدن نظارتنی اوز قولیگه آلماقچی.

عیاللر وزیرلیگی خلق ارا یاردمچیلرنی اداری فساد گه عیب لب چیققن.وزیرلیککه کوره، پوللر کیرک لی جای لرگه صرف لنمه یاتیر.

افغانستان بویلب معیشی تحقیرلنگن عیاللرگه وقتنیچه لیک باش پناه بیریش اوچون اون بیرته تشکیلات فعالیت الیب باره دی.

اولکه ده معیشی تحقیرله نیش کبی واقعه لرنی کینگ ترقه لگنی ایتله دی واکثر حاللرده زوروانلیک لرگه طاقت قیلینه دی.

عیاللرگه باش پناه بیروچی اوشبو مرکزلر خارج دن مالیه له نه دی اوته عنعنه دار جمعیتی اولرگه شبهه بیلن قریدی. ایریم لر مرکزلرنی فاحشه خانه لر صفیده کوریشه دیلر.

افغانستان عیاللر وزیری حسن بانو عضنفر ایسه بوندی دعوالر اثبات تاپمه گنی، اما اجره تیله یاتگن میلیونلب دلار سناقلی عیاللر اوچون صرفله نه یاتگنینی ایتدی. او خلق ارا جمعیتینی فسادگه عیبله دی.

شونینگ دیک عیاللر وزیری انه شو معمالر اوچون افغانستان حکومتی مرکزلر اوستیدن نظارتنی قولگه الیشگه قرار قیلگندیب سوزیوریتگن.

انسان حقلری گروه لری ایسه باش پناه لر حاضرگه چه مستقل بولیب ایندی لیکده دولت نظارتیده کیریشی وپلیس کوچلرینی مسوول ایتیب تعین لش خواطرلی دیشگن

چونکی اولرگه کوره پلیس کوچلری یمان نام چیقرگن، کوپلب افغان لر اولرنی زوروان و فسادگه باتگن انسان لر صفیده کورشه دی.