خلق ارا مالیه جمغرمه سی کابل بانکنی ساتیلشینی تکلیف قیلگن

Image copyright Getty Images

خلق ارا مالیه جمغرمه سی افغانستان دولتی دن اوشبو اولکه مالی تیزمی نینگ یخشی لشتریش اوچون خصوصی شکلده فعالیت الیب باره یاتگن کابل بانک نی حصصه سی بارکیشی لرگه قیته ساتیشیگه قرارالیشینی تکلیف ایتگن.

بوندن بیرقنچه مدت الدین اوشبو جمغرمه نینگ بیرگروه هیاتی افغانستان مالی تیزمینی تیکشریش اوچون کابل ده گی سفر یده بو تکلیف بیلن چققن.

اوشبو جمغرمه تمانیدن چیقاریلگن بیاناتده، کابل بانک قینچلیکلرینی حل قیلیش اوچون افغانستان دولتی زودلیک ده چاره تدبیرلرنی قول اوستیگه الیشی تاکیدلنگن.

شونینگ دیک غیر قانونی فعالیت قیلیب کابل بانک نی حاضرگی وضعیت ده الیب کیلگن کیشلرنی هم محاکمه گه تارتیلشی طلب قیلنگن.

افغانستان مرکزی بانک رییسی عبدالقدیر فطرت بی بی سی بیلن بولگن تیلفونی علاقه سیده بو تکیلیف خصوصیده حاضر چه فکر بیلدرمسلگینی ایتگن.

کابل بانک نینگ ایککی مهم خادملری اوز وظیفه لریدن چیتلنتریلیشی بیلن اوشبو بانک فعالیتی نی مرکزی بانک اوز نظارتی استیده آلدی.

اوتگن یتتی ای جریانیده مرکزی بانک قریب تورت یوز میلیون امریکالیک دالرنی کابل بانک مشتری لریگه بیرگن وافغانستان حکومتی مرکزی بانک نینگ اوشبو فعالیتی دن حمایت بیلدرگن.

شونگه علاوه مرکزی بانک، کابل بانک 550 میلون دلار نی اوز مشتری لریگه قرضه شکلده بیرگنینی معلوم قیلگندی بیراق، خلق ارا مقاملر مشتری لرگه قرضه شکلده بیریلگن مبلغ نینگ 900 میلون دالرگه تخمین ایتلیشی ممکن لیگینی ایتگن همده اولر ، قرضه شکلده بیریلگن مبلغنی نینگ کتته بیرقسمینی قیته ریملسیگدن خواطر ازظهار ایتگن لر.

اقتصاد مسله لری بویچه بیلمدان وافغانستان تجارلر قوریلمه سی نینگ اعضالریدن آذرخش حافظی ایسه ، کابل بانک قرضدارلیگی تصفیه لنگنیدن سونگ خلق ارا مالیه جمغرمه سی نینگ تکلیفینی عملی بولیشی کابل بانکنی حاضرگی وضعیت دن قوتقاریش اوچون معقول یول دیگن.

ایککی هفته آلدین مرکزی بانک رییسی عبدالقدیرفطرت مطبوعات انجمنی ارقه لی کابل بانک نی حاضرگی وضعیتده آلیب کیلگن کیشیلرنیننگ محاکمه بولیشینی قاره لاوچی اداره سیدن سوره گندی.