پارلمانی سیلاو رایلرنی قیته سنش باشلندی

افغانستان قاره لاوچی اداره سی گه کوره اون ایککی ولایت نینگ پارلمانی سیلاو رایلرینی سنش باشلندی.

شونینگ دیک قاره لاوچی خادملری کیله جک نیچه کونده باشقه ولایت لر رایلرینی هم سنش پروسه سی باشله نیشینی معلوم قیلگن.

قاره لاوچی رسمیلرینی معلوم قیلیشلریچه مستقل سیلاولر کمیسیونی قوشیمچه سیلاو خصوصیده فعالیت الیب باره یاتگن اون تورت قوریلمه اشتراکی بیلن رایلرنی قیته سنش جرایانی باشلنگن.

پلیس و قارلاوچی خادملری انه شو رایلرنی قیته سنه لیشینی نظارت قیله دی دیب ایتگن رسمیلر.

اوتگن هفته پارلمانی سیلاو گه عاید ایتیب کیلگن شکایت لرنی تیکشریش اوچون قوریلگن مخصوص محکمه رای صندوقلری موجود بولگن مهم اداره لرینی مهرله گندی.

محکمه نینگ بو قراری ایسه ملت وکیللرینی غضب لنتریب، ملی کینگاش وکیللری اکثریت اواز بیلن محکمه ایشلرینی ناقانونی دیب قطعی بیانات چیقردیلر.

شونینگ دیک ملت وکیللری، اینگ از سکسن کیشینی پارلمان روی خطیدن چیقاریلیشینی اوشبو محکمه مقصد قیلگندیب ادعا قیلگندی لیکن، مخصوص محکمه بوموضوع نی رد ایتدی.

اوشبو محکمه افغانستان عالی محکمه سی نینگ تکلیفی وکرزی نینگ تصدیق قیلیشی بیلن ایجاد ایتیلدی. بولیب اوتگن پارلمانی سیلاو خصوصیده کی شکایت لرنی کوریب چیقیش مخصوص محکمه نینگ اساسی وظیفه سی دیر.