افغانستان ملی کینگاشی رئیسی نی تنلش قومی ضدیتگه ایلندی

افغانستان ملی کینگاشی رئیسی نی سیلش اوچون موجود جنجاللرنی برطرف ایتیش اوچون تشکیل ایتلگن 60 نفر لیک کمیسیونی نینگ ، بو معما نینگ ایچیمی اوچون ایلگری سورگن یوروغلری ، تورلی ملیتلرگه تعلقلی بولگن وکیللر اره سیده کی نزاع گه سبب بولگن.

ملی کینگاش دایمی رییسی نینگ سیله ش اوچون تاپیلگن جنجل لرنی حل قیلیش مقصدیده توزه لگن 60 کیشی لیک کمیسیون بوگون اوچ یوروغ نی ایلگری سورگن اید.

مذکور یوروغ لردن بیرینچی سی ملی کینگاش ایچکی طرزالعمل نینگ اوزگرتیریشی ، ایککینچی سی مذکور مسئله نینگ مملکت باش قانونی نینگ نظارت ایتوچی کمیسیونگه یوباریلیشی و اوچینچی سی ایسه ، پشتون ، تاجیک و هزاره قومی دن بولمه گن بیر کیشی نینگ ملی کینگاش ریاستی گه تعیین ایتیشی ایدی.

کورینیشیچه ،مذکور اوچ قوم دن تشقری اینگ کوپ اوزبیک ملیتیگه منسوب وکیللر مملکت ملی کینگاشیده اورین آلگن.

مخصوص کمیسیون اعضالریدن کوپیسی اوشبو اوچینچی یوروغ یعنی افغانستان ترک وکیللریدن بیری سی نینگ کینگش ریاستیگه سیله نیشینی قولب قوتله یاتکنده ، و بو خصوصده قیزغین بحث دوامیده ا، بلخ ولایتی نینگ ملت وکیل لریدن فرهاد عظیمی مذکور ریجه گه شبهه بیلدیریب ، اونینگ عملی بیر ادم ایمس لیگینی عمومی کنگش ده بیان ایتدی.

جناب فرهاد عظیمی ، اوزبیک تیلده ایراد ایتگن نطقیده ، افغانستان ملی کینگاشیدن هم ملی و هم خلق ارا ساحه ده وکالت ایتیش اوچون و کینگاش نی باشقریش صلاحیتی و قابلیتیگه ایگه بولگن کیشی نینگ سیله نیشی نی اورغو لب ، ازوبیک ملیتیگه منسوب بولگن وکیللر اره سیده شونده ی بیر مناسب شخص بار می دیگن سوال بیلن مراجعت قیلدی.

جناب عظیمی نینگ اوشبو سوزلری ، کوپ گینه ترک ملیتیگه منسوب وکیللر نینگ غضبلریگه سبب بولگن. و اولر اوشبو سوزلرنی افغانستانده کی ترکی خلق نی حقارت لش دیب تلقین ایتگن لر .

جوزجان ولایتی نینگ ملت وکیل لریدن داکتر عنایت الله بابر فرهمند بی بی سی بیلن بولگن صحبتیده ، فرهاد عظیمی تمانیدن یوریتیلگن سوز لرنی رد قیلیب او نینگ ملیونلب اوزبیک و ترکمن لرگه حقارت قیلگن دیب معلوم قیلدی .

شو نینگ دیک فرهمند جنابلری ، فرهاد عظیمی یوروتگن سوزلری ناتوغری بولگنینی تاکیدلب اوزبیک وکیللری اره سدیه کینگاش نی باشقریش قابلیتیگه ایگه بولگن ایترلی ویکللر بارلیگینی معلوم قیلدی

اما اوشبو جنجال لر ارتیدن جناب عظیمی ، سوزلری نینگ ناتوغری توشونیلگن لیگینی ایئتیب ، اوزبیک ترکمن وکیللریدن کیچیریم سوره گن.

عین پیتده ، بوگونکی مجلس جریانیده ، ملی کینگاش تمانیدن تشکیل ایتلگن کمیسیون باشلیغ لری حاجی محمد محقق سوز یوریته یاتگن پیتیده ، هلمند ملت وکیل لریدن نسیمه نیازی اونگه قرشی ضدیتلی فکر لرینی اظهار قیلگن.

نسیمه نیازی ایراد ایتگن نطقیده حاجی محمد محقق گه نسبتاً او نینگ ایچکی اوروشلر پیتیده انسان لر نینگ باشلریگه میخ چاققن دیگن سوزلرنی اظهار قیلیشی بیلن ، ملی کینگاش ده کی هزاره ملیتیگه منسوب وکیللر ، بونگه قرشیلیک کورسه تیب ، مجلسنی ترک ایتگن لر .

هر چند بوگونکی جنجاللر طفیلی ملی کینگاش رئیسی نی سیلش ایشلری، نتیجه سیز قالگن .اما حاجی محمد محقق و نسیمه نیازه اورته سیده تاپیلگن دعوا نی حل ایتیش اوچون آلتی کیشی دن عبارت بولگن بیر مخصوص کمیسیون تشکیل ایتلگن.

افغانستان ملی کینگاشیده کی کوپ گینه وکیللر ، مذکور جنجل لر حل ایتیلیشی بیلن حاضر کینگاش رئیسی نی سیلش اوچون اینگ ایجابی یول ملی کنیکاش ده کی تورتینچی اکثریت قومی گروه بولمیش اوزبیک و ترکمن وکیللریدن بیری نینگ باشقروو گه سیله نیشینی تاکید له ماقده لر .

ملی کینگاش جمهور رییس کرزی تمانیدن رسمی شکلده آچیلشی دن کیین ، مذکور کینگاش دایمی رییسی نینگ سیله ش اوچون 8 مرته سیلاو یولگه قوییلیب اما بوتون سیلاولر ، تورلی معما لر باعث نتیجه سیز قالگن.