بغلاننی طالبلردن تازه لش اوچون نوروزعملیاتی

فغانستانده نوروز کیلیشی بیلن دولت وناتو کوچلری بغلان ولایتیدن عصیانچیلرنی یوق ایتش اوچون نوروز ناملی حربی عملیاتنی یولگه قویگن لر.

اوشبو عملیات نیتجه سیده رسمیلرگه کوره طالبان نینگ محلی قوماندانلریدن بیری قوشیمچه یتتی طالب قربا ن بولگن.

عینی پیتده بغلان ولایتی نینگ پلیس اداره سی سوزچیسی جاوید بشارت عملیات نتیجه سیده اوشبو ولایت نینگ حاج میران، علاوالدین ، احمد خیل قریه خوستیان کبی منطقه لری عصیانچیلردن تازه لنگنینی ادعا قیلدی.

لیکن طالبلر حاضرگه قدر بوخصوصده هیچ نرسه ایتمه گن.

شونگه قوشیمچه قیلیب او، حربی عملیات نینگ باشقه عملیات لردن فرقلی دیب طالبلردن تازه لنگن منطقه لرده خوف سیزلیک پوسته لری قوریلیب همده محلی پلیس کوچلری نینگ طالبلر نظارتیدن چیقاریلگن منطقه لرده جایلشتریلشینی ایتدی.

دوام تارتیب کیله یاتگن حربی عملیات نینگ کیله جک ایککی هفته دوام تارتیشی ریجه لشتریلگنی ایتیله دی.

بغلان ولایتی نینگ بیرقنچه منطقه لریده طالبلر عصیانچیلری انچه فعال بولیب، ناتوکوچلریگه یاقیلغی ماده لرکیلتروچی تانکرلر اولر تمانیدن انده سنده هجوم گه النیب کیلگن.

بغلان رسمیلریگه کوره سونگی پیتلرده قوشنی قندوزده کی حربی عملیات لرسبب عصیانچیلر بغلان ولاتیده کیلیب جایلشگن لر.

افغان رسمیلری اوشبو ولایتده کی عصیانچیلرنی نوروز ناملی یولگه قویلگن حربی عملیات ارقه لی یوق ایتشگه امیدبیلدرماقده لر.