افغانستان ملی کینگاش رئیسی سیلندی

حاجی  عبدالرووف ابراهیمی
Image caption سابق جهادی قوماندانلردن بولمیش عبدالرووف ابراهیمی ملی کینگاش نینگ آلدینی دوریده هم کندوز وکیللریدن ایدی

افغانستان ملی کینگشی قریب بیر آی دوام ایتگن بحث و مناظره لر دن کیین ، نهایتده ، کینگش ینگی باشلیغینی سیله گن.

بوگون ( یکشنبه 8 نچی حوت) مجلسده ، بولیب اوتگن آچیق، سیلاو ده ، کندوز ولایتی نینگ وکیللریدن عبد الرووف ابراهیمی کینگش باشلیغی ایتیب سیلنگن.

بولیب اوتگن ملی کینگش آچیق سیلاولریده اشتراک ایتگن 174 نفر وکیللردن فقط تورت نفری جناب ابراهیمی گه قرشی اواز بیرگن.

اوزبیک بیر وکیل نینگ ملی کینگاش رئیسی صفتیده سیله نیشی افغانستان پارلمانیده بیرینچی مرته روی بیرماقده . .

مملکت ملی کینگاشی بوندن قریب بیر آی آلدین جمهور رییس کرزی تمانیدن رسمی شکلده آچیلیشی بیلن مذکور کینگاش دایمی رییسی نینگ سیلش اوچون 8 مرته سیلاولر یولگه قوییلیب لیکن اوشبو سیلاولر بیر قنچه وکیللر تمانیدن آق همده باطل رأی لردن فایده لنیشی باعث، نتیجه سیز قالگن ایدی.

مذکور سیلاولر ده هیچ بیر نامزد 50 فائز گه قوشیمه بیر آواز نی قولگه کیلتیره آلمه گن ایدیلر.

شو نینگ دیک مملکت ملی کینگاشی ده چیققن معما نینگ حلی اوچون ، نماینده لر تمانیدن 60 کیشی لیک بیر کمیسیون توزه لگن ایدی.

.باش بیر کوچه گه کیریب قالگن پارلمان باشلیغینی سیلش معما سی نینگ ایچیمی اولراق مذکور کمیسیون

تاجیک ، پشتون همده هزاره قوملری دن بولمه گن بیر کیشی نینگ کینگش رهبریتی اوچون نامزاد بولیشینی ایلگری سورگن ایدی. بو ایسه آوز بیک و یا ترکم وکیللردن بولیشی دیگنی ایدی

اوشبو قرار دن کیلیب چیقیب ، ملی کینگش ده کی 19 نفر اوزبیک و ترکمن وکیللر اوز اره لریدن بیر نفر وکیلنی نامزاد صفتیده پارلمان گه تانیشتنیریشی کیرک ایدیو شو باعث 19 نفر اوزبیک و ترکمن ملت وکیللری اورت هسیده هم اوزرا سیلاو بولیب اوتگن و اوزینی نامزاد قیلگن وکیللر اره سدیه اینگ کوپراق اواز نی عبدالرووف ابراهیمی جنابلری قولگه کیرتگن.

افغانستان جمهور رئیسی حامد کرزی هم جناب ابراهیمی نینگ ملی کینگاش رئیسی ایتیب سیله نیشی نی آلقیشلب ، او بیلن همکارلیکده ایش الیب باریشگه امید بیلدیرگن

حاجی عبدالروف ابراهیمی کیم؟

حاجی شیر خان اوغلی عبدالروف ابراهیمی .عبدالروف ابراهیمی 1339 نچی ییلده قندوز ولایتی نینگ امام صاحب اولوسوالیگیده توغیلگن.

. او ، مکتب نی قندوز ده بیتریب ، ادبیات فاکولته سی نینگ اوچینچی صنفی گه چه اوقیگن .او حاضر هم او کابل عالی اوقو یورتی نینگ ادبیات بولیمیده اوقیماقده

.ابراهیمی جنابلری ، اوندن کیین مجاهدلر جبهه سی نینگ قوماندانی ، همده قندوز ، سرحدی لوا سی نینگ قوماندانی صفتیده وظیفه بجرگن.

او گلبدالدین حکمتیار رهبریتیده کی حزب اسلامی گروهینینگ اعضا لریدن بولیب و جهاد ییلریده ،اکه سی عبدالطیف ابراهیمی بیلن کندوز ولایتیده کیحزب اسلامی مجاهد لری نی باشقرگن قوماندان لریدن بولگن.

شو نینگ دیک او ملی کینگاش نینگ بیرینچی دوریده هم قندوز ولایتی نینگ ملت وکیل لریدنو ملی کینگش امنیت کمیسیونی نینگ هم اوزینباسری ایدی.

باشقه تماندن ابراهیمی جنابلری ، ایککی ییل آلدینگی ، افغانستان جنرال عبدالرشید دوستم و اکبر بای آره لریده تاپیلگن جنجال لر نینگ ایچیمی اوچون ، بیر قنچه اوزبیک ملت وکیل لری بیلن ، واسطه چیلیک قیلگن ایدی. .

جناب ابراهیمی اویلنگن و 7 قیزی و تورت اوغلی بار. .