ربانی : فیس بوکی لر رهبرلیکنی آلمه سین

عالی تینچلیک قوریلتای باشلیغی برهان الدین ربانی دینی عالم لر، جامعه ده رهبرلیک قیلیش قابلیتی گه قادیر بولمه سه وضعیت فیس بوک و اینترنیت یاشلری قولیگه توشیشی نی ایتگن.

دینی عالم لر اشتراکی بیلن پایتخت کابلده یولگه قویلگن یغینده چیقیش قیلگن ربانی جنابلری دینی عالم لرنینگ طالبلر بیلن مذاکره قیلیش و تنیچلیک اوچون رهبرلیک نقشیده بولیشینی تاکیدله گن.

اونگه کوره افغانستان تاریخیده دینی عالم لر یوزه چیققن قرمه قرشلیک وجنجل لرنی حل ایتیشگه اساسی رولنی اوینب کیلگن، حاضرگی شرایط ده اونی ایتشچه تینچلیکنی مستحکم لش اوچون اولرنینگ اساسی اورنی بولگن.

ربانی جنابلری اوز سوزلری دوامیده " اگر دینی عالم لر اوز اورنینی باشقه لرگه قویب یوبارسه بعضا جامعه رهبرلیگی و اوزگریش لر نینگ فیس بوک واینترنیت یاشلری اوز قوللریگه الده دی " دیب ایتگن .

برهان الدین ربانی بو سوزلری بیلن مصر، تونیس وایران کبی اولکه لرده گی اوزگریش لرگه بیرشکلده اشاره قیلگن چونکی، ایریم تنقید و نمایشلر فیس بوک و اینترنیت ارقه لی رهبرلیک بولیب کیلینماقده.

هرچند ربانی ، حاضرگی کونده هم دینی عالم لر رولی کوچلی دیب بیراق، مصر ، تونیس و لیبیا ده کی سونگی اوزگریشلرده یاشلر نمایشلرنی ملطقا رهبرلیک قیلگندیب فکر بیلدردی.

سونگی پیتلرده فیس بوک و توییتر کبی اینترنیت ترماق لری سیاسی و اجتماعی اوزگریش لرگه اساسی رولنی اوینه ماقده.

شونینگ دیک عالی تینچلیک قوریلتای باشلیغی ، دینی عالم لرگه قره ته ایراد ایتگن سوزلریده اولرنینگ اوز اورنینی سقلب توریشگه اورغوبیردی. همده او، " شک سیز اسلام تاریخیده نظرتشله سک دینی و ملی قیام لر ، فاسد تیزملرنی اورته دن ییلتیش اوچون دینی عالم لر کتته حصصه قوشگن. " دیب ایتگن.

عینی حالده ربانی جنابلری حاضرگی شرایطده هم دینی عالم لر رولی کوچلی دیب اولرنینگ طالبان بیلن مذاکره قیلیش خصوصیده جدی سعی قیلیش لری لازم لیگینی اورغوله گن.