خارجیلر هجومیده کرزی نینگ عمکیسی نینگ اوغلی اولگن

قندهار ولایتی نینگ ولایتی کینگاش ریسنی ایتیشچه کرز نینگ عمکیسی نینگ اوغلی یارمحمدکرزی، خارجیلر تمانیدن اویشتریلگن هجومده هلاک بولگن.

قندهار ولایتی نینگ ولایت کینگاش ریسی احمد ولی کرزی نینگ بی بی سی گه ایتشچه اتمش بیش یاشیده بولگن یارمحمد کرزی اوتگن کیچه قندهار ولایتی نینگ دند ولسواللگیده هلاک ایتیلگن.براق کرزی اوکه سی ولی محمد کرزی، خارجی کوچلر یارمحمد نینگ قصداٌ اولدریمه گنینی ایتگن.

اونگه کوره خارجی کوچلر ، یارمحمد نینگ اوی اطرافیده حربی عملیات الیب باره یاتگن بیر پیت یارمحمد اولر تمانیدن نشانگه الینگن.

قندهار ولایت حاکمی سوزچیسی زلمی ایوبی قندهارنینگ کرزی دیب اتلگن منطقه سیده خارجی کوچلر تمانیدن حربی عملیات یولگه قویلگن لیگینی تصدیق له گن اما، یارمحمد نینگ هلاکتی باره سیده هیچ نرسه ایتمه گن.

ناتو کوچلری هم حاضرگه چه بوخصوصده هیچ قنید فکر بیلدرمه گن.

افغانستان حکومتی وامریکا اره سیده کی علاقه لرنی عادی اهالی تلفاتی خصوصیده ینه ده تره نگلشگن بیر پیت اوشبو حادثه یوزبیرماقده.

امریکا نینگ افغانستانده کی عمومی قوماندانی ژنرال پیتریاس افغانستان شرقیده ناتو نینگ حربی عملیاتده توقیز باله نی قربان بولگنینی تن آلیب کیچریم سوره دی اما، افغانستان جمهورریسی تمانیدن پیتریاس نینگ اوشبو کیچریمی قبول قیلینمه گنی ایتلگن.

امریکا مدافعه وزیری رابرتس گیتس افغان مقاملری بیلن اوچره شیب حربی عملیات لرده عادی اهالی قربان بوله یاتگنیدن تاسف بیلدرگندی همده عادی اهالی تلفاتینی الدینی اوچون جدی چاره تدبیر کوریلشینی سوبیرگندی.