کابلده ناراض لیک نمایش یولگه قوییلدی

یوزلب کابل یشاوچی لری بوگون ناراض لیک نمایشی یولگه قوییب ، امریکا حربی عملیاتیده عادی انسان لر تلفاتی یوز بیریشی نی قتیغ قاره له دیلر.

عین حالده مذکور نمایش چیلر ، امریکا نینگ دایمی حربی قرار گاهی افغانستانده توزه لیشیگه قرشی لیک بیلدیریب او نینگ جفا دیب بهاله دیلر.

کنر ولایتیده قریب 65 بیش عادی اهالی ناتو کوچلری نینگ حربی عملیاتی نتیجه سیده هلاک بولگنی دن کیین ، افغانستان حکومتی بیلن قوشیمچه ، مملکت عالم لر کینگاشی ، و افغانستان خلقی تمانیدن مذکور عمل قتیغ قاره لندی.

کابل یشاوچی لری نینگ بوگونکی ناراض لیک نمایش لریدن تشقری ، ناتو کوچلری تمانیدن طالبان قرشی سیده یولگه قوییلگن حربی عملیات نتیجه سیده عاد اهالی تلفات کورگنی اوچون ، باشقه ولایت لرده گی اهالی هم اوتگن نیچه کون جریانیده ناراض لیک نمایش لر یولگه قوییب حربی سیز انسان لر هلاک بولیشی نینگ مذکور عملیات لرده محکوم قیلیب کیلگن لر.

کابلگه بوگون کی یولگه قوییلگن ناراض لیک نمایشده قریب ، اوچ یوز کیشی اشتراک قیلیب ، اشتراچیلر نینگ قریب یریمی عیال لر ایدی.

مذکور ناراض لیک نمایش ، ساعت اون توشدن آلدین کابل شهری نینگ شاه دوشمشیره زیارتیدن باشلنیب ، شهر نینگ پل باغ عمومی منطقه سیده ساعت اون ایککی گه قدر دوام قیلدی.

ناراضلیک نمایش نی یولگه قویگن لر ، افغانستان حکومتی ، عادی اهالی گه تلفات ایتگزگن کیشی لر نینگ محکمه ده تارتمس لیگی اوچون هم تنقید قیلر ایدیلر.

"بو ییرده بو اوچون یغیلیب ناراضلیک نمایش یولگه قویدیک کیم ، دلو آیی نینگ 28 نچی سیده کنر ولایتی ، غازی آباد اولوسوالیگیده ، 65 حربی سیز انسان لر امریکا و ناتو کوچلری تمانیدن هلاک بولدی لر و بو عمل نینگ دوامیده ، توقیز گودک ننگلام گه هلاک بولدی لر ، بیز امریکا بو شوم عملی نینگ قارله ماق اوچون و سیسی میز نینگ شو مطبوعات آرقه لی ایشیتیرماق اوچون بو ییرده یغیلگن میز دیب ایتدی ناراضلیک نمایشده قتنه شگن لردن بیری."

مذکور نمایش چیلر ، عادی اهالی نینگ تلفاتی بوندن کیین یوز بیرمس لیگ ایسته ک لریدن تشقری ، امریکا کوچلری نینگ دایمی قرار گاهی افغانستان ده توزه لیشی اوچون هم قرشی لیک بیلدیریب ، او نینگ افغانستان خلقی اوچون کتته جفا دیب معلوم قیلدی لر.

هر چند ، امریکا قوشمه ایالت لری نینگ افغانستان و پاکستانده گی ینگی نماینده سی مارک گروسمن توناون رسمی شکلده مذکور ممکلت دایمی حربی قرار گاهی افغانستانده توزه لیشی اوچون اونچه لیک اعتبار بیرمه گنی نی ایتسه ده لیکن ، افغانستان مدافعه وزیری ، اوشبو مسئله یوزه گه چیقگن دن کیین ، امریکا نینگ دایمی قرار گاهی ، افغانستان و منطقه تینچلیگی اوچون یخشی دیب ایتگن ایدی.

شو نینگ دیک افغانستان قدیم کی ایچکی ایشلر وزیری حنیف اتمر و ملی امنیت رییسی امرالله صالح ایسه ، امریکا نینگ دایمی قرار گاهی افغانستان ده ایجاد ایتیلیشی دن حمایت بیلدیریب ، مذکور قرار گاه نینگ افغانستان کیله جگی اوچون یخشی دیب بهاله دیلر.

باشقه تماندن ، جهادی رهبر لردن و مملکت سو و برق وزیری اسماعیل خان امریکا نینگ دایمی قرار گاهی افغانستانده توزه لیشی خصوصیده قرشی لیک کورسه تیب مذکور قرار گاه لر افغانستان مستقل لیگی نی سوال آستیگه کیلتیریشی نی معلوم قیلگن ایدی.

لیکن امریکا تمانیدن ، افغانستانده ، دایمی حربی قرار گاه ایجاد ایتیلیشی اوستیگه مذکور فکر لرگه قرمسدن ، مملکت جمهور رییسی حامد کرزی ایسه ، مذکور قرار گاه ایجاد ایتیلیشی گه ، افغانستان پارلمانی و خلقی فیصله لری مهم لیگی نی ایتگن ایدی.