کرزی: امریکا و ناتو عملیات لرینی توخته تسین

جمهورریس کرزی شرقی کنر ولایتیده کی سفریده ناتو و امریکا نینگ افغانستانده کی حربی عملیات لریده اهالی قربان بولیب کیله یاتگنینی چیده آلمیمیزدیب عملیات لرنینگ توخته تیلیشینی طلب قیلگن.

حامدکرزی کنرولایتی نینگ غازی اباد منطقه سیده ناتو هوای هجومیده قربان بولگن توقیز باله نینگ یقین لری بیلن اوچره شیب بوسوزنی اظهار ایتگن.

ناتو کوچلری میلادی ییل نینگ جاری ای اوللریده اویشتریلگن هوای هجومده هلاک بولگن باله لرنینگ بیلمسدن نشانگه آلینگنینی ایتیب، کیچریم سوره گندی.

کرزی جنابلری کنرده ایراد ایتگن سوزلری دوامیده" مین افغانستان خلقینی وکیلی صفتیده غرور تکبر بیلن ایمس بلکه حرمت ، عزت وتواضع لیک بیلن امریکا وناتو کوچلریدن ایستی من کی توپراغیمیزده کی عملیاتلرینی توخته تسین. بو اوریش بیزنینگ توپراغیمیزده ایمس، اگر بو اوریش تروریزم اوچون بولسه، تروریزم بیزننگ توپراغیمیزده ایمس " دیب ایتگن.

شونگه قوشیمچه قیلیب :" اولر ( تروریست لر ) اوزلریگه خاص جایلری بار کی ناتو، بونینگ یخشی بیلردی؛... اون ییل دیرکه توپراغیمیزده اوریش نینگ جریانی بار اوریش بیزنینگ توپراغی میزده ایمس افغانستان خلقی تینچلیک ایستیدی تینچلیک اوچون دنیاهمجمعیت دولت لری بیلن یاردم قیله دی اوریش نینگ توخته تیلیشی مردمی میزنینگ طلبی و بو افغان خقلینی سیسی ." دیب ایتگن جمهورریس حامدکرزی.

کرزی نینگ باریشی اوچون اویشتریلگن مراسمده هوای هجوملرده یره لنگن باله لر هم موجود بولیب ناله قیلیب تورگنلری کوزه تیلگن.

اوشبومراسمده ناتون نینگ یوقاری قوماندانلریدن بیری هم بارایکن، کرزی اوشبو ناتو قوماندانی گه قره ب " سیز یره لنگن باله لرمیز و بیزنینگ مصیبت لر میزنی کورینگ ، بیزنینگ امیدی میز شو کی بو کبی حادثه لرتکرار بولمه سین."

ناتو کوچلری نینگ افغانستان ده کی عمومی قوماندانی ژنرال پتریاس ناتو هجومده توقیز باله نی افغانستان شرقیده هلاک بولگنینی تن آلدی .

افغانستان جمهورریسی حامدکرزی کنرده کی هوای هجوملرده قربان بولگن اهالی یقین لری بیلن غم شریک کورسه ترایکن، کرزنینگ عمکسینی اوغلی یارمحمد کرزی قندهار ولایتی نینگ "کرز" دیب اتلگن منطقه سیده ناتو هجومده هلاک بولگنی خبربیریلگندی.

قندهار ولایتی نینگ ولایت کینگاش ریسی ولی محمد کرزی بوخبرنی تصدیق لب یارمحمد نینگ بیلمسدن چهارشنبه کونی خارجی کوچلر تمانیدن نشانگه الینگنینی معلوم قیلگندی.