افغان عیالر عدالت تأمین بولیشی نی طلب قیلدیلر

Image caption افغان خاتین لری کوپراق تینچسیزلیک دن شکایت قیلیب ، اوز مصوونیت لری نینگ طلب قیلدیلر.

خاتین قیز لرگه نسبتآ یولگه قویله یاتگان زوروان لیک گه قرشی خلق ارا کورش کونیده بیر کون قالگن بیر حالده ، یوزلب خاتین قیز لر کابل شهریده ناراض لیک نمایش یولگه قوییب ، خاتین قیز لر نینگ حق و حقوق لری تامین بولیشی نی طلب قیلدی لر.

مذکور نمایش ، بشر حق و حقوقی نینگ سقله ش کمیسیونی همده خاتین قیز لر حق و حقوقی دن حمایت ایتوچی بیر قطار مدنی تشکیلات لر تمانیدن یولگه قوییلگن ایدی.

نمایش چیلر، مملکت خاتین ، قیزلری حاضر هم کینگ بیر شکلده زوروان لیک لر بیلن یوزمه یوز بولگنینی ایتیب ، تینچلیک و مصوونیت لردن برخوردار بولمه گنلیک لرینی هم ادعا ایتدی لر.

مذکور خاتین قیز لر بوگون ییرته لب ، کابل عالی اوقو یورتی نینگ آلدیده یغیلیشیب برابرلیک و اولر گه نسبتاً عدالت تأمین بولیش شعار لرنی بیریدیلر.

نمایش چیلر ، سونگی ییل لرده حکومت تمانیدن قانون نینگ یخشی شکلده تطبیق بولمه یشی باعث خاتین قیز لر نینگ تینچلیگی و مصوونیتی ایاق آستیده بولگنی نی ادعا قیلر ایدیلر.

کابل ده یشه یاتگن مذکور عیال لر دن تشقری ، خاتیق قیز لر نینگ خلق ارا کونی مناسبتی بیلن بیر قنچه ولایت لرده هم ، ایریم یغیلیش لر یولگه قوییلب ، اوز حق و حقوق لرینی طلب قیلیشی گه اورینگن لر.

اما افغانستان حکومتی تشکیل ایتیلگنی دن قریب اون ییل اوتگن خود شو مدتده ایریم ملی برنامه لر نینگ عملی بولیشی بیلن قوشیمچه ، خاتین قیز لر ایرکین لیگی و ایرکک لردیک دولتی اداره لرده اورین لری کوپه یشی ، اولرگه تعلیم بیریش و تحصیل قیلیش زمینه لری نینگ یره تیشی ، شو نگه اوخشه گن اولر گه قرته موجود زوراوانلیک لرنینگ اورته دن ایلتیشی ، مذکور حکومت نینگ اینگ اساسی ریجه لریدن حساب له نه دی.

هرچند حکومت مذکور ریجه لرنینگ عملی قیلیشی اوچون حاضر گه قدر موفق بولگنی نی ایتسه ده لیکن خاتین قیزلر گه نسبتاً یولگه قوییله یاتگن زوراوانلیک لر مملکت نینگ ایریم حدود لریده حاضر هم انچه کوپ.

هلمند لیک بیر عیال بی بی سی بیلن بولگن صحبتیده هرچند طوی قیلگنی دن انچه وقت اوتگنی نی اورغوله یدی لیکن حاضر هم اویده گی کیشی لرنینگ اونگه قرشی خشونت لریدن تنقید قیله دی.

" مینی آتیم فوزیه هلمند دن من ، تورموش گه چیقگنیمدن هم انچه وقت اوتگن ، می نینگ ییریم مین بیلن یمان برخورد قیلیب ، هر دایم اوریشیب ینچه دی.

هرچند مین کوپ سعی و حرکت قیله من شو نینگ دیک اولاد لریم نینگ حیاتی یخشی شکلده اوتیشی اوچون یخشی یول دن ایشله ب پول تاپسم هم او میندن هیچ خوش ایمس ، ییریم نینگ یمان برخورد قیلیشی دن تشقری اونینگ همشیره لری و ایناغله لری هم اونگه قره ب مین بیلن یمان برخورد قیله دیلر.

مینی ایسته گیم شو که خاتین لر مقابیله ده بونده ی یمان برخورد بولمه سه دیب ایتدی ، خشونتده یوزمه یوز بولگن هلمند لیک عیال "

خود شو عیال گه اوخشه گن مینگلب باشقه خاتین قیز لر افغانستان نینگ ایریم منطقه لریده ایریم زوراوانلیک لر بیلن یوزمه یوز ، مملکت ملی کینگاشیده گی عیال ملت وکیل لردن خانم آصفه شاداب ، هرچند اوتگن نیچه ییل دن بیری عیال لراوچون کوپگینه ایش لر یولگه قوییلگن لیگی نی ایته دی بیراق ، حاضر هم خاتین قیزلر برابریده حل بولمه گن ایریم قیین چیلیک لر نینگ موچود لیگینی هم تایید قیله دی.

خوب بو حالتده قرگنده ، خاتین قیز لر وزیرلیگی نینگ حقوق بولیمده گی اداره سی تمانیدن اعلام بولگن حساباتده ، جاری ییلده مملکت ولایت لریده خاتین قیزلرگه قرشی اون آلتی یوز و 69 ایریم زوراوانلیک بولیب مذکور رقم دن حاضر گه قدر اون ایککی یوز موردی حل بولگنلیگی ایتیلگن.

اما پایتخت کابلده بوتون ولایت لردن کوره مذکور زوراوانلیک لر رقمی انچه کوپ بولگن. پایتخت کابلده جاری ییلده ایککی مینگ و 404 مورد خشونت صورت تاپگن خاتین قیزلر وزیرلیگی نینگ ایتیشیچه مذکور رقم دن اوتگن توقیز آی جریانیده قریب ایککی مینگ موردی حل بولگن.

عین زمانده مذکور رقم لردن تشقری خاتین قیزلرگه قرشی زوراونالیک لر نینگ حساب سیز شکلده موجود لیگی هم ایتیله دی.

Image caption خانم غضنفر نینگ ایتیشیچه ، خاتین قیزلرگه قرشی زوراوانلیک نه فقط افغانستانده بلکه دنیا نینگ مدرن اولکه لریده هم موجود بولیب خواطر توغدیرگن.

خاتین قیزلر حق و حقوقی دن حمایت ایتوچی نهاد لرگه کوره ، مملکت نینگ اوزاققه توشگن قشلاق لریده زوراوانلیک بیلن دوچ کیلگن خاتین قیز لر سانی انچه کوپ لیکن اولر قورقیش لری دن حکومت عدلی و قضایی ارگان لریگه شکایت ایته آلمه یدیلر.

باشقه تماندن خاتین قیز لر وزیری حسن بانو غضنفر خاتین لر قرشی سیده تورگن بوتون قیینچلیک لرنی تایید قیلیب مذکور قیین چیلیک لر ، تاریخی و عنعنوی ریشه سی بارلیگینی معلوم قیله دی.

شو نینگ دیک خانم غضنفر خاتین قیز لر قرشی سیده موجود زوراوانلیک لرنی حل قیلیشی اون لب ییل کیره کلیگینی ایتیب ، مذکور زوروانلیک لر باشقه نهاد لر تمانیدن حل بولیشی لازم لیگی نی معلوم قیلگن.

هر چند جمهور رییس کرزی کابینه سی نینگ ایچیده ، خاتین قیز لر وزیرلیگی هم فعالیت قیماقده و اوشبو وزرات خاتین قیز لر وضعیتی نینگ یخشی قیلیشی اوچون کوپ گینه سعی و حرکت قیلگنلیگی نی ایته دی اما شونده ی بولسه هم ، اوشبو وزارت اجرایی صلاحیتی بولمه گنی اوچون ، افغان خاتین قیز لری نینگ برابریده ، توخته گن ایریم زوراوانلیک لر اوز جاییگه توخته گن.