افغان صادر قیلوچیلرگه بیر مرکز آچیلدی

Image copyright AP

افغان تاجرلری نینگ صادر قیلیش ایشلری گه قوله یلیک اورته گه کیلیش مقصدیده ، کابل شهریده بیر مرکز آچیلگن.

رسمیلرنینگ ایتیشیچه ، تاجر لر بوندن کیین ، مذکور مرکزده مراجعت قیلیب ، بوتون دولتی مسوول لری نینگ نماینده لیگی بیلن اوچره شیب ، مال لری نینگ صادر قیلیش ایشی نی شو ییردن یولگه قویه آله دیلر

مذکور مرکز ، مملکت تجارت وزیرلیگی نینگ پیشنهادی آرقه لی ، امریکا قوشمه ایالت لری مالی یاردمی بیلن توزه لیب ، آلمان همکارلیک دفتری تمانیدن ، کمپیوتر لر و باشقه اسباب وسیله لر بیلن تجهیز بولگن.

اوشبو مرکز ، کتته بیر اتاق دیر و اونینگ ایچیده ، قریب ایگیرمه میز قوویلگن شو نینگ دیک هر میزده دولتی اداره لرنماینده لیگی نینگ لوحه سی اوریلگن.

تجارت وزیرلیگی نینگ ایتیشیچه ، مذکور مرکز ، وقت ضایع بولیشی نینگ آلدینی آلیش و تاجرلرگه قوله یلیک یره تیش مقصدیده ایجاد ایتیلگن.

رسمیلرگه کوره ، اوتمیش لرده ، صادر قیلوچی تاجر لر بیر ایش لری نینگ ایلگری ایلتیشی اوچون ، بیر وزیرلیک دن باشقه وزیرلیککه باریب کوپ وقت لری ضایع بولر ایدی لیکن حاضر مذکور مرکز توزه لیشی بیلن بوتون ایشلری شو ییرده صورت تاپیشی ممکن.

" تشقی ایشلر وزیرلیگی ، مالیه وزیرلیگی ، زراعت وزیرلیگی ، معادن وزیرلیگی ، عامه ساغلیقی نی سلقه ش وزیرلیگی ، شو نینگ دیک ، تاجر لرنینگ ایریم بیرلشمه لری مثلاً مه ییز بیرلشمه سی ، قول صنعت لری نینگ بیرلشمه سی و شونگه اوخشه گن لرنی بو مرکزگه اورین لری بار. دیب ایتدی تجارت وزیری انورالحق احدی"

عین حالده افغان تاجر لری هم مذکور مرکز ایجاد ایتیلیشی دن خرسندلیک بیلدیردیلر.

" یقیناً بو مرکز توزه لیشی بیز نینگ پیشنهاد لریمیزدن ایدی ، و ایریم بولیمده تجارت قیلوچی کیشی لرنینگ ایسته ک لری ایدی. بو بومرکز نینگ آچیلیشی نی نیک بیر ایش دیب اویلیمن. دیب ایتدی مه ییز صادر قیلیش اداره سی نینگ باشلیغی سید عظیم مصطفی هاشمی"

افغانستان تجارت وزیرلیگی نینگ ایتیشیچه ، مملکتدن مال یوباریلیشی ، کیلتیریشی دن کوره انچه آز. تجارت وزیری احدی جنابلری گه کوره ، افغانستان هر ییلی قریب ، 400 میلیون دالرلیک مال تشقری ده یوباره دی لیکن بیش دن تا آلتی ملیارد دالرلیک مال مملکتده کیلتیریله دی.

قالین ، قوروق و تازه میوه لر، سبزی لر ، طبی نبات لر شو نینگ دیک بهالی تاش لر افغانستان نینگ اینگ کتته صادر قیله یاتگن مال لری دیر.

تجارت وزیرلیگی نینگ ایتیشیچه ، افغانستان ده مال کیلیشی و بو ییردن یوباریلیشی ایچیده تعادل اورته گه کیلتیریش مقصدیده ، بوندن کیین ، بیر قنچه لازم مال لرنینگ افغانستانده ایشلب چیقاریلیشی اوستیگه کوپراق سعی قیلیش ماقده.