حاضرگی کابل نینگ شرقیده ، ینگی کابل توزه لیش ایشی باشلندی

Image caption کابل شهریده جمعیت میزانی کوپ بولگنی ، مذکور شهر نینگ کوپ گینه منطقه لریده بنا لر نقشه لری نینگ معیاری بولمه گنی ، ینگی کابل توزله یشی نینگ کوچه یتیرگن.

افغانستان دولتی ، ینگی کابل شهری نینگ ، کابل شرقیده جایلشگن منطقه ده توزه تیش ایشی باشلنگنی دن خبر بیردی.افغانستان دولتی نیچه ییل آلدین دن کابل نینگ ده سبز منطقه سیده ینگی شهر توزه تیشی اوچون ریجه لرنی اوستیگه ایشلر ایدی و حاضر ایسه مذکور ریجه لرنینگ عملی بولیش ایشی باشلنگن.

کابل نینگ حاضر گی شهریده جمعیت سانی کوپ بولگنی ، مذکور شهر نینگ بعضی منطقه لریده قیته قوریش ایشلری یخشی شکلده ایلگر کیتمه گنی شو نینگ دیک تینچ سیزلیک قیین چیلیک لری باعث ، ینگی بیر شهر توزه لیشی اوستیگه سرمایه یاتقیزیلیشی ایتیلگن.

کابل نینگ حاضر گی شهریده قریب بیش ملیون انسان حیات کیچیره دی و مذکور اهالی کوپ گینه قیین چیلیک لر بیلن دوچ کیلگن لر . بو شهر اصلیده 500 مینگ انسان نینگ یشه یشیده نظرگه آلینگن ایدی.

ینگی کابل نی کینگه یتریش اداره سی نینگ اورین باسری ، غلام سخی حسن زاده گه کوره ، مذکور شهر نینگ توزه لیشی ، ملیارد لر دالر هزینه کوته ره دی شو نینگ دیک مذکور هزینه بیر بولیمی نینگ جاپان اولکه سی اوز بویینگه آلگنینی سوز بیرگن.

حسن زاده جنابلری نینگ ایتیشیچه ، مذکور شهر ، بیرینچی و ایککینچی بولیم لری نینگ طرح لری تیارلنگن . شو نینگ دیک ینگی کابل نینگ سو و برق شبکه لری ، سرک لر ، مخابرات ، کانالازیسیون و مخابرات مسئله سی کیله سی بیش ییل گه قدر توزه له دی.

حسن زاده جنابلری گه کوره ، ینگی کابل شهری اون بیش ییل گه چه تمام بولیب ، مذکور شهرده اوچ ملیون انسان نینگ یشه یشی نظرده توتیلگن.

ینگی کابل نینگ توزه لیش طرحی ، منطقه نینگ اینگ کتته اعمار لیک پروژه لریدن ایتیلگن.

مذکور شهر ، کابل نینگ حاضر گی هوا قونالغه سیدن توتیب تا، بگرام جنوبی تمانیگه چه امتداد تاپگن. رسمیلر گه کوره ، ینگی کابل نقشه سی 740 کیلو متر مربع ییرنی ایگه للگن .

دولتی اداره لر او ییرده باریلیشی ویا بارمسلیگی حاضر گه قدر بیلی بولمه گن.

اگرده وزیرلیک لر و دولتی اداره لر ینگی شهر ده انتقال بیریلسه ، مذکور مسئله منفی عکس العمل لر بیلن یوزمه یوز بولیشی ایتیله دی.

افغانستان نینگ حاضر گی پایتختی ، بو مملکت خلقی اوچون ، سیاسی ، تاریخی و مدنی لحاظیدن انچه اهمیت گه ایگه.