افغانستان پُست خذمتلری اوچون ینگی رمزلر ایجاد ایتیلدی

افغانستان مخابرات وزیرلیگی ، افغانستان خلقی اوچون ، بیر قنچه مخابرات خذمت لری یانیده ، پست خذمت لری نینگ مملکت بوتون ولایت لریده یخشی شکلده بجریش اوچون ینگی رمزلر نی ایجاد ایتگن.

مذکور وزیرلیک مقام لری گه کوره ، اوشبو رمز لر ، مراسلات خذمت لری گه یخشی قوله یلیک یره تیب ، شهر لر و محل لر آدرسی نینگ تاپیشی گه یاردم بیره دی.

مذکور سیستم اساسیده ، حاضر افغانستان بوتون ولایت لری ، شهرلری ، اولوسوالیک لری همده قشلاق لری نینگ انیق پست رمزلری بار.

باشقه تماندن ، مخابرات وزیرلیگی نینگ معلوم قیلیشیچه ، مذکور وزیر لیک کیله سی بیر ییل گه چه ، مملکت بوتون ، پسته خانه لری نینگ انترنت ده وصل قیلیشه دی.

مخابرات وزیرلیگی نینگ اورین باسری وهاب الدین سادات گه کوره ، پست رمز لری اوستیگه قریب ایککی ییل ایشله نیب ، خلق ارا پست جمغرمه نینگ موافقه سی بیلن حاضرگی سیستم یره تیلدی.

سادات جنابلری گه کوره ، اوشبو رمز لردن فایده لنیشی ، مملکت پست ایشلری گه قوله یلیک یره تیلیب ، اونگه سرعت بیره دی.

افغانستان پست رمزلری نینگ تورت رقم لیک شماره یا عدد تشکیل بیرگن . مذکور رقم لرنینگ بیرینچی ایککی رقمی ، ولایت لر رمزی بولیب ، سونگی ایککی رقمی ایسه ، شهر لر ، اولوسوالیک لر ، و قشلاق لر نینگ اوزیگه اورین بیرگن.

اوشبو پست رمز لری ، کابل شهری نینگ مکروریان ، شهر نو ، دارالامان ، سید نور محمد شاه مینه ، دهبوری ، تایمنی و خیرخانه کبی منطقه لر ده انیق بولگن. شو نینگ دیک بوتون ولایت لر نینگ رمزی هم بیر رهنما آرقه لی بیلگی لنگن.

باشقه تماندن ، مخابرات وزیرلیگی تمانیدن پست سیستمی گه ینگی رمز لر نینگ ایجاد ایتیلیشی بیلن هم حاضر افغانستان پایتختی کابل و بوتون ولایت لری نینگ کوپ گینه منطقه لریده نقشه دن تشقری بنالر موجود لیگی ، سرک لر نینگ آتی بولمه گنی ، و شونگه اوخشه گن بیر قطار باشقه اجتماعی قیین چیلیک لر باعث ، پست خذمت لری نینگ جدی قیین چیلیک گه یوزمه یوز قیلگن.

بو مسئله گه قرگنده ، مخابرات وزیرلیگی پست خذمت لری نینگ باشلیغی ، محمد یاسین رحمتی ایسه ، موجود قیین چیلیک نینگ حلی اوچون اولر ، مرکز و بوتون ولایت لر بلدیه لری بیلن رابطه قورگن لیگی نی ایته دی.

عین زمانده ، مخابرات وزیرلیگی نینگ مقام لری ، پست خذمت لری نینگ ایشلری حقیده ، مخابرات خصوصی شرکت لر نینگ یاردم بیریش لرینی هم طلب قیلدیلر.

پست رمزی بیرینچی مرته سابق شوروی تمانیدن ، 1932 نچی میلادی ییلده معرفی بولیب ، سیستمی ایسه 1939 نچی ییل ده عملی بولدی.

آلمان ، بریتانیا ، امریکا و سویس کبی اولکه لر ، سابق شوروی دن سونگ اوشبو سیستم دن ایش آلدیلر. افغانستان ، خلق ارا پست جمغرمه سی نینگ بیر عضوی صفتیده حاضر گه چه پست رمزلری یوقیدی.