رسمیلر: حکومت عاید لری اوتگن ییلدن کوره کوپه یگن

افغانستان مالیه وزیرلیگی ، سونگی پیت لرده ، ایریم بولیم لرده مالیه لریخشی شکلده یغیلیشی اوچون ، ینگی ریجه لرنی یولگه قویگن لیگینی معلوم قیلگن.

مذکور وزیرلیگ مقام لری گه کوره ، مالیه وزیرلیگی تمانیدن ، 1389 نچی ییلده یغیلگن مالیه لری ، 1388 نچی ییلدن کوره ، یوزدن 15 فایز کوپه یگن.

حاضر افغانستان مالی بودجه سی نینگ قریب یریمی خلق ارا اولکه لر یاردمی دن تأمین لنه دی. اما افغانستان حکومتی نینگ ایتیشیچه ، اگر مملکت عاید لری اوستیگه یخشی شکلده ایشله نیب یغیلسه ، یقین زمانده ، دولت اوز ایاغیگه توخته شی ممکن.

شونده ی بیر حالده ، اوشبو وزیرلیک ، مالیه بیره یاتگن لر ایشلریگه قوله یلیک یره تیلیشی اوچون پایتخت کابلده ، ینگی بیر مرکز آچلگنی نی ایتگن . عین شو مرکز گه اوخشه گن مرکز لر بوندن آلدین راق هم مزارشریف ، هرات ، و ننگرهار ده آچیلگن ایدی.

مالیه وزیرلیگی گه کوره ، مذکور وزیرلیککه ، اوشه تاجر لرمالیه بیریشه دیلر کیم هر ییلی 75 ملیون افغانی ایشلری گه سرمایه یاتقیزگن بولسه لر شونینگ دیک ، حاضر ییتی یریم مینگ کیشی مالیه وزیرلیگی نینگ روی خطی دن اوتگن.

مالیه وزیرلیگی اورتلمه مالیه بیروچی بولیمی نینگ باشلیغی ، زبیر احمد صالحی گه کوره ، کیله سی قویاش ییلیده ، باشقه بیش مینگ کیشی هم مذکور رقمگه کیریتیلیب ، حکومت عایدلریده کوزگه کورینرلی درجه ده مثبت اوزگریش کیله دی.

صالحی جنابلری هرچند ، اوشبو بولیم ده ، فساد موجود لیگی نی تایید قیلدی لیکن مذکور فساد اورته دن ایلتیشی اوچون جدی حرکت لر یولگه قویلگنلیگی دن سوز یوریتدی.

شونده ی بیرحالده ، مملکت مالیه وزیرلیگی نینگ ترقه تگن رقمی اساسیده ، 1389 قویاش ییلیده حکومت عایدی 64 تورت ملیارد افغانی بولگن . مذکور رقم اوتگن 1388 ییل دن کوره ، یوزدن 15 فایز کوپه یگنی ایتیلگن.

عین زمانده ، مالیه وزیرلیگی نینگ سوزچیسی عزیز شمس ، مذکور وزارت کیله سی 1390 نچی قویاش ییلیده ، ایچکی عایدلریولیدن ، 93 ملیارد افغانی دولت بودجه سیگه کیریتیلیشی نی ایتگن.

تینچ سیزلیک لر ، فساد نینگ موجود لیگی ، شو نینگ دیک موجود قانون لر یخشی شکلده تطبیق بولمس لیگی کبی معما لر ، افغانستان مالیه لری نینگ یخشی شکلده یغیلیشی و عاید لرنینگ کوپه یشی قرشی سیده تورگن.

حاضر گی پیتده هم مملکت ترقیات و عادی بودجه سی نینگ قریب یریمی تشقی اولکه لر یاردم لری بیلن تأمین لنه دی . شونده ی بیر حالده حکومت رسمیلری گه کوره اگرده مالیه لر یخشی شکلده یغیلسه ، افغانستان اقتصادی یوقاری کیتیب ، دولت اوز بودجه سی نینگ زود لیک بیلن اوزی تأمین قیله آله دی.