ملت وکیل لرینه مخصوص محکمه بیکار بولیشی نی طلب قیلدیلر

Image caption کورینیشیچه، مخصوص محکمه نینگ ایش لری دوام تارتیشی بیلن ، ملی کینگاش اعضا لری هم اوز ایشلری نینگ یخشی شکلده بجره آلمه گن لر.

افغانستان ملی کینگاشی 1390 نچی ییلده گی یولگه قوییلگن بیرینچی اولتیریشی هم نتیجه سیز قالدی.افغانستان ملی کینگاشی نینگ بیر قنچه اعضا لری ینه بیر مرته ، پارلمان قلاب کارلیک لری نینگ تیکشیروچی مخصوص محکمه بیکار بولیشی نی طلب قیلدی لر.

هرچند ملی کینگاش نینگ بوگونکی جلسه سی ، حکومت بودجه سی اوستیگه بحث قیلیشده بخشلنگن ایدی لیکن بیر قنچه ملت وکیل لر بو مسئله گه قره مه ی ، جلسه نی ترک قیلیب کیتدیلر.

مذکور ملت وکیل لر گه کوره ، اگرده ملی کینگاش مخصوص محکمه نینگ بیکار قیلیشی اوچون انیق بیر نتیجه ده ایتیشمه سه لر ، اوشبو محکمه ، حاضر گی ملت وکیل لردن نیچه کیشی سی نینگ چیقره یب باشقه کیشی لرنینگ اولر نی اورنی گیلتیره دی.

ملی کینگاش رییسی عبداللطیف ابراهیمی ، جلسه نینگ باشلنیشیده ، جمهور رییس کرزی ، جاری هفته سه شنبه کونیگه چه مخصوص محکمه خصوصیده انیق قراری نی سوزبیرگنینی معلوم قیلگن بیر حالده ، بیر قنچه ملت وکیل لر ، بو مسئله گه کوز قره تمه ی بوگونکی جلسه ده انیق بیر نتیجه ده ایریشیش لری نی طلب قیلدی لر.

کابل ملت وکیل لریدن خانم نظیفه ذکی یوریتگن سوزلریگه ، سه شنبه کونی گه قدر ، مخصوص محکمه اونلب ملت وکیل لرنینگ پارلماندن چیقریش قراریدن خبری بولگنینی ادعا قیلدی.

شو نینگ دیک باشقه ملت وکیل لر هم مخصوص محکمه نینگ بیکار بولیشی اوستیگه بیرینچی دن ملت وکیل لر مابینیده بحث بولیب ، اوندن کیین سونگی قرار نی چیقریش اوستیگه تاکید قیلدیلر.

شونده ی بیر حالده ، جوزجان ملت وکیل لریدن داکتر عنایت الله بابر فرهمند افغانستان جمهور رییسی ، مقننه ، قضاییه و اجراییه قوه لری نینگ باشلیغی صفتیده ، نیچه آی ایلگری دن بیری چیقگن مذکور معما نینگ حلی اوچون انچه یمان بیر حالده قرار تاپگنینی ایتیب ، بو مسئله ، نینگ حل قیله آلمه ی ، کینگه تشله یشی نی معلوم قیلدی.

فرهمند جنابلری ، کرزی پارلمان و مخصوص محکمه اورته سیده چیقگن مذکور قیین چیلیگ نینگ زود لیک بیلن حل قیلیشی نی هم طلب قیلدی.

بوحالتده قرگنده ، سیاسی تحلیل چیلردن ، فضل احمد بورگیت ایسه ، کرزی جنابلری ، مخصوص محکمه نینگ تشکیل بیریشی دن بیرینچی مقصدی ، اوزیگه طرفدار شخص لر نینگ پارلمانده اورین بیریشی نی ایتیب ، اما حقوقی نقطه نظریدن ، مذکور محکمه نینگ شخصی و سیاسی ، هدف لری اوچون تشکیل بیرگن دیب معلوم قیلدی.

بورگیت جنابلری گه کوره ، حاضرگی شرایطده افغانستان ، قضا قوه سی ، اجرایی یا حکومت قوه سی نینگ تأثیر آستیگه کیتگن بیر قوه بولیب قالگن . بو مسئله باعث کرزی جنابلری ، اوز منفعتی نینگ قولگه کیلتیریش اوچون ، پارلمان نینگ فشار آستیگه کیلتیریشی نی خواه له یدی.

هرچند افغانستان ملی کینگاشی رسمی شکلده ایشی باشلنیشیدن ایککی آی اوتگن اما حاضر گه قدر ، پارلمان سیلاو لری قلاب کارلیک لری نینگ تیکشیروچی مخصوص محکمه هم سونگی نتیجه سی نینگ اعلام قیلمه گن.

بو مسئله خلق آره سیده هم ایریم خواطر لر توغدیرگن.

کورینیشیچه، مخصوص محکمه نینگ ایش لری دوام تارتیشی بیلن ، ملی کینگاش اعضا لری هم اوز ایشلری نینگ یخشی شکلده بجره آلمه ی بو مسئله قرشی سیده ، اوز قرار لریگه تاکید قیلماقده.