کابل طلبه لری: تری جونز محکمه گه تارتیلسین

Image caption امریکا لیک کشیش تمانیدن ، قرآن کریم یاندیریلیشی اوچون ، افغانستان ایریم ولایت لریده ناراض لیک نمایش یولگه قوییلب ، مذکور عمل محکوم بولگن.

کابل عالی اوقویورتی نینگ یوزلب محصل لری بوگون ، امریکا لیک کشیش تمانیدن قرآن کریم نینگ کویدیرگنی اوچون ، ناراضلیک نمایش یولگه قوییب ، مذکور عمل نینگ محکوم قیلدیلر.

مذکور طلبه لر کابل عالی اوقو یورت ایچیده نمایش لری نینگ تینچلیک بیر فضا ده یولگه قوییب ، امریکا و کشیش گه قرشی شعار بیردیلر.

اولر ، افغانستان امریکا بیلن دیپلوماتیک رابطه سی نینگ کیسی شی ، شونینگ دیک ، مذکور کشیش محکمه گه تارتیلیشی نینگ هم طلب قیلدیلر.

امریکالیک کشیش تری جونز تمانیدن قرآن شریف نینگ کویدیریلیشی ، بیر قنچه مسلمان اولکه لر بیلن قوشیمچه افغانستان حکومتی و خلقی ، شو نینگ خلق ارا تشکیلاتی نینگ محکوم قیلیشی بیلن یوزمه یوز بولگن.

بوگون کی یولگه قوییلگن ناراض لیک نمایش قریب بیر ساعت دوام ایتیب ، ناراض کیشی لر امریکا گه قرشی شعار لر هم بیردیلر.

امریکا لیک کشیش تمانیدن قرآن شریف یاندیریلیشی ، اوچون ، بیر قنچه ولایت لرده گی ناراض لیک نمایش لر زوراوانلیککه ایله نیب کیتدی.

مذکور زوراوانلیک لر نتیجه سیده ، بیرلشگن ملت لر تشکیلاتی نینگ 7 ایشلاوچی سی بیلن قوشیمچه ، بیر قنچه نارض کیشی لر هلاک بولیب ، اونلب انسان هم یره لندی.

مذکور ناراض لیک نمایش لر زوراوانلیککه ایلنگنی نینگ افغانستان حکومتی ، طالبان گروهی نینگ قولی بارلیگی نی ادعا قیلگن لیکن ، اوشبو گروه مذکور ادعا نینگ رد قیلگن لر.