ملی اردو تجهیزبولماقده

Image caption افغانستان مدافعه وزیرلیگی نیچه مرته ، ملی اردو خوف سیزلیک مسوولیت لری نینگ آلیشی گه تیار دیب ایتگن.

افغانستان مدافعه وزیرلیگی امریکا قوشمه ایالت لری تمانیدن اوتگن اون ییل جریانیده ، 7 ملیارد و 700 ملیون دالرلیک حربی تجهیزات یاردم بیرگنی نی معلوم قیلدی.

اوشبو وزیرلیک نینگ ایتیشیچه ، بو حربی یاردم لر 450 مینگ تورلی قورال یراق یعنی ینگیل و آغیر قوراللر ، شو نینگ دیک 45 مینگ حربی موتر لر و 56 آلتی حربی اوچاق که بیرقسمی امریکا و ایتالیا تمانیدن توزه تیلگن ترانسپورتی C27 اوچاقی و باشقه سی روسیه نینگ سونگی مودل یا MI17 تیک اوچری دن عبارت بولگن.

مدافعه وزیرلیگی سوزچیسی جنرال ظاهر عظیمی بو حربی یاردم لرنینگ قنده ی لیگی خصوصیده کیین راق انیق شکلده خلقگه معلومات بیره میز دیب ایتدی.

عین زمانده مدافعه وزیرلیگی نینگ سوزچیسی ، مذکور وزیرلیککه 47 کیشی یوقاری مرتبه لی خادم لری حاضر گی وظیفه لریدن بلند راق مسوولیت لرگه اوزگریلگن لیگی نی هم ایتدی.

عظیمی جنابلریگه کوره ، افغانستان بوییچه ، اوتگن بیر آی دوامیده 859 ماین لر کشف و خنثی بولیب ، 35 انتحاری واسکت لر هم ملی اردو قولیگه کیریتیلگن.

شو نینگ دیک اوتگن بیر آی دوامیده 35 ملی اردو کوچلری هم ایریم حربی عملیاتده هلاک بولگنی تایید بولگن.

افغانستان مدافعه وزیرلیگی نینگ ترقه تگن رقمی گه کوره ، حاضر ملی اردو نینگ 160 مینگ کوچی بار.

اوشبو کوچلر نینگ حربی قورال یراق بیلن تجهیز بولیشی عین زمانده حربی تعلیم کوریشی امریکا قوشمه ایالت لری تمانیدن صورت تاماقده.