کابل و پکتیاده انتحارچیلر پلیس وتومن اداره لریده هجوم قیلگن

Image copyright Reuters

پکتیا ولایتی نینگ زازی اریوب تومنیده کی پلیس کوچلرینی تعلیم بیروچی مرکزیده یوزبیرگن انتحاری هجومده اوچ پلیس هلاک وینه اوچ پلیس یره لنگن شونینگدیک کابل ولایتی نینگ موسهی ولسوالیگیده کی انتحاری هجومده تورت کیشی یره لنگن.

بوگون ساعت سککیز اطرافیده محلی رسمیلرگه کوره تورت انتحارچی شخص اوشبو ولایت نینگ زازی اریوب تومنیده کی پلیس عسکرلرینی تعلیم بیروچی مرکزی گه هجوم قیلگن، اولرنی ایتشلریچه هجومچیلردن بیری اوزینی پارتله تیشگه قادر بولگن وباشقه بیری افغان عسکرلری تمانیدن اتیب اولدریلگن، قالگن ایککی انتحارچی قاچیب قوتیلگن.

پکتیا ولایتی نینگ پلیس اداره سی قاچیب قوتیلگن عصیانچیلرنی قولگه کیرتیش اوچون قیدرو عملیات باشلنگنینی ایتگن.

محلی رسمیلر اوشبو حادثه ده اوچ پلیس هلاک وینه اوچ پلیس یره لنگنینی تصدیق له گن.

عینی حالده بوگون کابل ولایتی نینگ موسهی تومنیده هم انتحارچی بیر شخص هجوم قیلگن، رسمی خبرلرگه کوره دینا تور موترگه پارتلاوچی ماده نی جایلشترگن انتحارچی شخص موتربیلن بیرگه اوزینی ولسواللیک بیناسی قرشیسیده پارتله تگن، بو هجومده محلی رسمیلر اوچ پلیس و بیر عادی اهالینی یره لنگنینی معلوم قیلیب، ولسواللیک بیناسیده هم قسما خساره ایتکزیلگنینی ایتگن لر.

باشقه تماندن قندهار رسمیلری قندهار شهری نینگ ایککینچی حوزه سیده جایلشگن پلیس قرارگاه سیده کیریب کیلیشینی نیت قیلگن بیر انتحارچینی اتیب اولدریلگنینی ایتگن.

رسمیلرنینگ ایتیشلریچه انتحارچی نشانگه الینگنیدن سونگ بوینگه اورنه تیلگن پارتلاوچی ماده پارتله گن نتیجه ده انتحارچی هلاک و اونینگ یقینده بولگن عادی بیرشخص یره لنگن. لیکن طالبان گروهی بیربیانات ترقه تیب بوکونکی یوزبیرگن قطار انتحاری هجوملرده 62 پلیس و اربکی قربان بولگنینی ادعا قیلگن.