انتحاری هجومده توقیز خارجی وافغان عسکری قربان بولگن

Image copyright Reuters

افغان مقاملرینی ایتیشلریچه شرقی ننگرهار ولایتیده کی حربی مرکزلردن بیریده یوزبیرگن انتحاری هجومده بیش چیت ایللیک و تورت افغان عسکری قربان بولگن.

افغان ملی اردوکوچلریینی شرق ده کی سوزچیلریدن نعمان هاتفی بی بی بی سی بیلن بولگن صحبتیده اوشبو حادثه جلال اباد شهری یقینیده حربی مرکزلردن بیریگه یوزبیرگنینی ایتدی همده او انتحاری هجوم اویتشرگن شخصنی حربی کمیده بولگنینی معلوم قیلدی. اونی ایتیشچه اوشبو انتحاری هجومده خارجی کوچلردن بییش عسکر قربان بولگن. ایساف کوچلری هم بیر خبرنامه ترقه تیب افغانستان شرقیده یوزبیرگن پارتلشده بیش چیت ایللیک عسکر قربان بولگنینی تصدیق له گن لیکن اولرنی کیم لیک حجتی باره سیده هیچ نرسه ایتمه گن

عینی حالده ملی اردوسی نینگ شرقده کی سوزچیسی هاتفی جنابلری یوزبیرگن انتحاری هجومده بیش افغان عسکری هلاک وینه تورت عسکرنینگ یره لنگنینی ایتدی .

بو انتحاری هجوم افغانستانده کی خارجی کوچلرگه قرشی اینگ قانلی هجوم لردن بیری دیه کورسه تیلماقده. بوندن بیرنیچه کون الدین کنر ده یوزبیرگن انتحاری هجومده بیرنیچه قوم باشلغی لری قوشیمچه سابق جهادی رهبرلردن بیری قربان بولگندی و شنبه کونی جنوبی قندهار ولایتی نینگ پلیس اداره سیده یوزبیرگن انتحاری هجومده اوشبو لایت نینگ پلیس باشلیغی قربان بولدی.

طالبان گروهی کیتمه کیت روی بیرگن انتحاری هجوملرنی اوز ضیمه سیگه الگن.

اوزینی طالبان سوزچیسی دیب تانشترگن ذبیح الله مجاهد بوکونگی یوزبیرگن انتحاری هجوم ملی ادرو صفیگه قوشیلگن طالبان نفری تمانیدن اویتشریلگنینی ایتگن. اونگه کوره اوشبو انتحارچی شخص ملی گارنیزیونیده یغیلگن خارجی وافغان کوچلری اره سیده اوزینی ایتکزیب پارتله تگن.

اونی ادعا قیلیشچه اوشبو هجومده 12 خارجی عسکر و 14 افغان عسکری قربا بولگن.اما بو خبر رسمیلر تمانیدن تصدیق لنمه گن.