" اوغرلنگن قرق پلیس قویب یوباریلدی"

نورستان ولایتی نینگ ولایت حاکمی جمال الدین بدر بوندن الدین اوغرلنگن قرق پلیس نینگ طالبلر تمانیدن قویب یوباریلگنینی ایتگن.

نورستان ولایتی نینگ حاکمی جمال الدین بدرگه کوره اوشبو قرق کیشی نی قویب یوباریش اوچون طالبان عصیانچیلری بیلن هیچ قندی معامله بولمه گن بلکه منطقه ده کی قوم باشلیغ لرینی واسطه چیلیگی بیلن ازاد ایتلگن.

بدر جنابلرینی ایتشچه بیرنیچه کون طالبان قماغیده بولگن اوشبو عسکرلرگه هیچ قندی زیان ایتکزیلمه گن.

اوشبو قرق عسکر نورستان ولایتی نینگ ناقرار وایگل تومنیده وظیفه الیب باررایکن رسمیلرگه کوره اولر بوندن بیرنیچه کون الدین کنر ولایتی نینگ قندی دیب اتلگن تومنیده طالبلر تمانیدن اوغرلنگن ایدی.

نورستان ولایتی پاکستان بیلن چیگره داش بولیب اوشبو ولایت نینگ ایریم تومن لریده انچه فعال بولگن. بوندن ایککی هفتده الدین نورستان ولایتی نینگ وایگل تومنی طالبلر نظارتیگه اوتگندی شونینگدیک ولایت حاکمی بدر جنابلری وایگل تومنینی طالبلردن تازه لش اوچون اعتبار قره تیلمه سه، طالبلر فعالیتینی ارتیب باریشی بیلن اگاه لنترگن.

بو ولایت نینگ برگ متال و کامدیش تومنلری بوندن الدین طالبلر نظارتیگه اوتگندی .