پروانده کی ناراضلیک نمایش زوروانلیککه ایلنگن

Image copyright BBC World Service

پروان ولایت نینگ شهرمرکزیده امریکاحربیلریگه قرشی اویشتریلگن ناراضلیک نمایش زوروانلیکگه ایلنیب کمیده بیر کیشی قربان و 20 کیشی یره لنگن.

پروان ولایتی نینگ رسمیلری نمایشچیلرنینگ بیرقنچه سی قورال بیلن جهازلنگن بولگنینی ایتدی.

بوندن بیرکون الدین رسمیلرگه کوره تورت دینی عالم نینگ اوشبو ولایت دن امریکا لیکلر تمانیدن حبیسگه الینشی ارتیدن امریکا کوچلرینی اوشبو عملیگه قرشی ناراضلیک نمایش اویشتریلگن.

ناراضلیک نمایش بیرینچیدن عادی بیرشلکده باشلنیب کینچه لیک زوروانلیک گه ایلنگن .

محلدن کیلگن خبرگه کوره، یوزلب نمایشچیلر امریکا کوچلریگه قرشی بقریش لری بیلن پلیس اداره سی ولایت بیناسیگه هجوم قیلگنیدن سونگ پلیس کوچلری هوای اوق آچگن، نتیجه ده بیر کیشی قربان بولیب ایگرمه کیشی یره لنگن.

پروان ولایتی نینگ پلیس اداره سینی خوف سیزلیک مسوولی ضیاوالرحمان سیدخیلی اوشبو حادثه ده التی پلیس عسکرینی هم یره لنگنینی ایتدی.

عینی حالده سید خیلی جنابلری بی بی سی بیلن بولگن صحبیتده نمایشچیلرنینگ کوپینچه سینی قورال اسلحه گه ایگه ایکنینی تاکیدله دی."بو انیق دیرکه بونمایش بیر مردمی نمایش ایمس ایدی بلکه پلان لشتریلگن بیر ایش ایدی، بونی ارقه سیده قوللر بولیشی ممکن مردم کیمیده بولگن کیشی لر قوللریده قورال موجود ایدی، اولرنی اکثریسی پاکستانلیک تفنگچه لر بیلن جهازلنگندی. اولر اتفا ق کوچلرینی هماهنگ لشتروچی مرکزیگه هجوم قیلیش گه اوریندیلر لیکن موفق بولمه دیلر" دیدی.

عینی حالده سعید خیلی جنابلری حادثه گه عیبدار ایگرمه بیش کیشی نینگ خوف سیزلیک خادملری تمانیدن توتیلگنینی ایتیب اولر اوستیدن جدی تیکشرو اوتکزیلیب کیله یاتگنینی معلوم قیلدی. لیکن حادثه ده بیران بیر گروه یاشخصنی قولی بولگنی بار ه سیده هیچ نرسه ایتمه دی.

خبرلرگه کوره یره لنگن لر دن سککیزته سینی وضعیتی اغیر بولگنی باعث دوالش اوچون کابل گه انتقال بیریلگن.

اوشبو ناراضلیک نمایش اوتگن کون پروان ولایتی نینگ مرکزیده کی بایان دیب اتلگن منطقه ده بیرنیچه دینی عالملنی محل یشاوچیلریگه کوره امریکا کوچلری تمانیدن حیبسگه الینگنی ناراضیلیک نمایش گه سبب بولگن.

نمایشچیلر اولرنی گناه سیز و عادی اهالی ایکنینی تاکیدلب شوباعث هم امریکا لیک لرنی بو عملی گه قرشی ناراضلیک نمایشنی یولگه قویگنلر.

بوندن بیرقنچه مدت الدین شمالی مزارشریف شهریده نمایشچیلر بیرلشگن ملت لرتشکیلاتی نینگ دفتریده هجوم قیلیب اوشبو تشکیلات نینگ قریب توقیز خادمینی اولدیرگندی.

بلخ رسمیلری اوشه پیتی اوز اظهاراتلریده عصیانچی قوراللی لر نمایشدن سوی استعمال قیلیب یونامه دفتریده هجوم قیلگنینی ایتگندیلر.