اوزبیک مخالف گروه لری، کریموفنی تینچ یول بیلن آغدریشگه تیارلنیشماقچی

Image caption نورالله مقصودوف اشتراک چیلر عرب دولت لریده گی غلیان لردن الهام لنگنینی ایتدی.

آلمان ده بیر قطار مخالف گروه لرنی بیرلشتیرگن "اوزبیکستان خلق حرکتی" اوچره شیب ، اوزبیکستان جمهور رییسی اسلام کریموف نی تیز صورت لرده تینچ یول بیلن حکومت دن چیتلتیش یول لرینی محاکمه قیلگن.

دیوسیلفبدورفده اوچ کون دوام ایتگن بو یغین ده عین شهر ده جایلشگن بو 2005 یلی 13 می قانلی واقعه لریدن قاچگن اوزبیکستانلیک لرنی اوز ایچیگه آلوچی " اندیجان- عدالت و تیکلنیش"" تشکیلاتی، "ERK" حزبی، خصوصاً مذکور حزب رهبری محمد صالح و بیر قطار باشقه سیاسی تحلیل چی و مخالف فعال لر اشتراک ایتیشگن.

بی بی سی بیلن صحبتده " اندیجان عدالت و تیکلنیش " تشکیلاتی رهبری نورالله مقصودوف نینگ بیلدیریشیچه، مذکور تدبیر 25 می کونی برلین شهریده بولیشی ریجه لنگن یریک مخالفت انجمنی گه تیارگرلیک لرنی محاکمه ایتگن و ایشچی گروهی نی توزگن.

کریموف بولمسه کیم؟

تدبیر اشتراک چیلری جمهور رییس کریموف حکومتدن کیتیشی و او نینگ اورنیگه مقابل شخص اوزبیکستان دولتی نی باشقریشی کیره ک دیگن خلوصگه کیلگن.

"2001 – 2002 میلادی ییلی دن بیری دوام ایتیب کیله یاتگن توتالیت لر تیزیمینی توخته ته میز، او ییرده اینگ دیموکراتیک دولت قوریشگه شونده ی سویه سی بار، شونده ی توشینچه سی بار و قولیدن کیله دیگن و بیلیمگه ایگه بولگن رهبر نی یول باشچی قیلیب قوییشیمیز کره ک، دیگن خلوصگه کیلدی" دیدی جناب مقصودوف.

بیراق او بو مقابل رهبر کیم بولیشی یا که اوزبیکستان نی باشقریشی اوچون قنده ی نامزد لر ایلگری سوریله یاتگنی باره سیده اشتراکچی لر یکونی توختمگه کیلمه گنینی بیلدیرگن.

جناب مقصودوف "اوزبیکستان خلق حرکتی" کریموف مأموریتی نی تینچ یول لر بیلن چیتلتیش مقصد قیلیب آلگنینی اورغوله گن.

عربچه اصول

اونگه کوره ، عرب دولت لریده یوز بیرگن و دوام ایته یاتگن انقلاب لر بونینگ امکانی بارلیگینی کورستگن.

بیراق، تونس و مصرده یوز بیرگن انقلاب لرده غلیان تینچ یول لر بیلن آلیب باریلگن ایسه ده، یوزلب انسان لر خوف سیزلیک کوچلری اوق لریدن نابود بولگن. جناب مقصودوف اوزبیکستانده بونی برطرف ایتیش ممکن لیگینی هم ایتگن.

" بیز بونینگ آلدینی آله آله میز دیاپمیزده. خلق نداسی بیلن حرکتلر باشلندی عرب دنیاسیده، بیز شوندن خلاصه چیقریب، اوندن گوزه لراق کورینیشده قیلسک بولریکن دیگن خلاصه گه کیلدیک. نازوراوانلیک یول بیلن، یوز فایز هیچ قنده ی جنگچیسیز، تینچلیک یولی بیلن عملگه آشیرماقچی میز" دیدی نورالله مقصودوف.

نورالله مقصودوف اندیجانده 2005 ییل 13 می واقعه لری نینگ بی واسطه گواهی بولگن. او نینگ اوغلی و کیاوی شو ییلی محکمه گه تارتیلگن 23 محلی تدبیرکارلر اره سیده بولگن.

عین محکمه ایشی ایککی مینگدن آشیق اندیجانلیکلرنینگ سود بناسی قرشی سیده تینچ ناراضلیک نمایشی نی اوتکزیشگه سبب بولگن ایدی.

جناب مقصودوف اوزبیکستان حکومتی تمانیدن اندیجان لیک لر ناراضلیگی نی الهام لنتریشیده و اکرامیه ناملی آقیم نی باشله شده عیب لنگن اکرام یولداشوف نینگ قوده سی دیر.