تخارولایتیده کی ایکم زارلرگه چیگیرتگه هجومی

تخارولایتی نینگ اهالیسی کوره اوشبوولایتده چیگرتگه افتی تاپیلیب ایکم زارلرگه کتته نقصان ایتکزگن اهالینی ایتیشلریچه حتی کی بعضی منطقه لرده بوتون ایکم زارلرنی نابود ایتگن.

تخار، قندوز، فاریاب و باشقه بیرنیچه ولایت لرده اهالیگه کوره دیمه حدودلرده ایکم زارلری قورغاقچیلیک باعث سو سیزلیکدن قوریب قالگن.

ایندی لیکده اهالی حاصل قولگه کیرته میزدیب کوزتیکن سوولی و سرد سیر دیمه منطقه لرده کی ایکم لرنی هم بوتونلی چگیرتگه باسگن.

بو افت ایسه قندوز و تخار ولایتده کتته معما گه ایلنیب حتی کی قوشنی بولگن ولایت لرده هم چیگرتگه افتی تاپیلگنی ایتلماقده.

شوندی بولسه هم قشلاق حدودلرده کی دهقانلر اوز امکانیت لریدن فایده لنیب چیگرتگه افتینی الدینی الیش اوچون سعی قیلگن لیکن اولرگه کوره شخص حرکت لر اونچه لیک ایش بیرمه گن.

ایتیلیشچه چیگرتگه افتی نه فقط غله دانه بلکه اهالینی چارواچلیگی گه هم منفی تاثیر قویگن. منطقه یشاوچیلرینی بیلدریشچه چیگرتگه حتدن تشقری کوپ بولیب دله ماللر اوتلیدیگن اوتلاق زارلر گه هم هجوم قیلگن.

چیگرتگه افتی بیرینچی مرته ایمس دیرکه دهقانلر اوچون معما توغدره دی بلکه اوتگن ییلرده هم عینی فصلده چیگرتگه افتی تاپیلیب دهقانلرگه کتته نقصان ایتکزگن.

افغانستان زراعت وزیرلیگی ن چیگرتگه افتیگه قرشی کینگ کمپاین افغانستان بویلب یولگه قویلگن لیگینی ایته دی لیکن تخارولایتی نینگ خواجه بهاوالدین ولسواللیگینی حاکمی محمد هارون اوشبو ولسوالیکده کی ایکم زارلرنی بوتونلی چیگرتگه باسیم الگنینی ایتگن.

معلومات لرگه کوره تخار و قندوز و لایتیده چیگرتگه نی یوق ایتش اوچون ایکم زارلر گه دوا سپیلگن لیکن شوندی بولسه هم چیگرتگه افتی دهقانلرنی ایکم زارلرنی بوتونلی نابود ایتگن.

بو ایسه دولت تمانیدن چیگرتگه افتینی الدینی الیش اوچون یولگه قویلگن چاره تدبیرلرنی ایش بیرمه گنینی کورسه ته دی. شونینگ دیک شمالی بلخ باشقه بیرنیچه ولایتلرده هم ایکم زارلرنی چیگرتگه باسیم الگنی خصوصیده شکایت لر چیققن

ایتلیشچه افغانستان اهالیسینی یوزده سکسن فایزی دهقانچلیک و چاروادارلیک بیلن بند بولگن.

شوسبب هم دهقانچلیکنی رواجلنتریش اوچون اساسا اعتبار قره تیلیشی کیره ک لیگی تاکیدله نه دی چونکی دهقانچیلیک رواجلنگنده افغانستان اقتصادینی کوچییشگه توغریدن توغری علاقه سی بار.

افغانستان دولتی دنیاهم جمعیت مملکت لرنینگ مالی یاردمی اساسیده دهقانلرگه یاردم ایتکزیش مقصدی بیلن اصلاح بولینگن تخم ومناسب قیمتده کیمیاوی اوغوت ترقه تیش برنامه لرنی یولگه قویب کیله یاتگنینی ایتماقده.

لیکن دهقانلر بوکبی برنامه لرنی اونچه ثمره بیرمه یاتگنینی اورغولب حاضر گی کونده ایکم چیلیک اوچون کتته نقصان ایتکزه یاتگن چیگیرتگه کبی افتنی الدینی الیشگه هم هیچ قندی اعتبار بیریلمه گنیدن شکایتده.