تخارده کی ناراضلیک نمایش زوروانلیککه ایلنگن

Image copyright BBCPashto.com

ناتو کوچلریگه قرشی تخارولایتیده یولگه قویلگن ناراضلیک نمایش زوروانلیککه ایلنیب اینگ از اون کیشی قربان و 50 دن ارتیق انسان یره لنگن

تالقان شهریدن قریب التی کیلومتر اوزاق لیکده جایلشگن گومالی منطقه سیده ناتو کوچلری نینگ هجومیده تورت کیشی قربان بولگنیدن سونگ ناراضلیک نمایش یولگه قویلگن.

یوزلب نمایشچیلر تالقان شهریده یغلیب ناتو هجومیده قربان بولگن لرنی عادی اهالی دیشگن.

نمایشچیلر تالقان شهریده کی بیرقنچه دوکانلرنی تاش باران ایتگن همده جمهورریس نینگ چوک ده کی بویوک صورتینی هم تاش بیلن اوریب توشیرگنلر.

شونینگ دیک پلیس کوچلری نمایشچیلرگه قره ته اوق آتگنی ایتلماقده. لیکن رسمیلر بوخبرنی حاضرگه قدر هم تصدیق له مه گنلر. اما محلده بولگن خبرنگار پلیس کوچلری تمانیدن نمایشچیلرگه قره ته اوق اچیلگنینی کوزه تگنینی ایتگنلر.

ناتو کوچلری بیربیانات چقریب منطقه ده فعال بولگن اوزبیکستان اسلامی حرکت اعضالیگده بولگن بیرعصیانچینی نشانگه الیش مقصدی بیلن اوشبو عملیات یولگه قویلگنلگینی تاکیدله گن. وعملیاتده اهالی تلفاتینی الدینی الیش اوچون اعتبار قره تیلگنینی ایتگن.

بیاناتده یازیلیشچه " گزارشلر اساسیده تالقان ولسواللیگیده کی اویلردن بیری اوییرده بولگن عصییانچینی حبسگه الیش یا ده اولدریش اوچون هجوم گه توتیلدی. امنیتی کوچلر قدریش جریانیده، خارجی کوچلرگه قورال بیلن هجوم قیلیش نیتیده بولگن. بیرعیال ایتیب اولدریلدی " .

همده خارجی کوچلرنی اگاه لنتریشگه اعتبار قره تمه گن بیر ایرکک هم اولدریلگنی ایتلگن. اولرگه کوره اوندن کیین " تبانچه سی بولگن باشقه بیر عیال اویدن چیقیب خارجیلرنی نشانگه اله من دیگن پیت اتیب اولدریلگن".

بوندن الدین هم ناتو کوچلری تمانیدن تخار ولایتی نینگ ایریم تومنلریده هوای هجو یولگه قویلب اوشبو عملیاتلرده اونلب انسان قربان بولگن. تخارولایتی نینگ چیگره داش بولگن منطقه لریده اوزبیکستان اسلامی حرکت اعضالری نینگ انچه فعال بولگنی ایتلیب کیلگن. لیکن حاضر هوای هجوم گه توتیلگن گاومالی منطقه سی تخارولایتی نینگ مرکزی تلقان شهریدن بیرنیچه چقریم اوزاققه جایلشیب اینگ تینچ منطقه لردن حساب له نه دی.