خوست ده دولت اداره سیده انتحارچیلر هجوم قیلگن

خوست ولایتی نینگ محلی رسمیلرگه کوره ینگل قورا بیلن جهازلنگن بیرنیچه انتحارچی اوشبو ولایت ده کی دولتی اداره لریدن بیرنی هجومگه الگنلر.

دستلبکی معلومات لرگه کوره اوچ انتحارچی. خوست ولایتی نینگ ترافیک اداره سیده هم کیریب باریشگه قادربولگن.

رسمیلرگه کوره پلیس کوچلری انتحارچیلر اره سیده توقنه شوو باشلنگن. کمیده بیرکیشی قربان بولگن.

خوست ولایتی نینگ پلیس مقاملریدن بیری ژنرال راز محمد نینگ ایتیشچه عصیانچیلر نینگ بیرینچی اوق اچیش لری نتیجه سیده خوف سیز لیک قوریقچیلردن بیری قربان بولگن.

پلیس مقامی نینگ ایتیشیچه انتحارچیلر ترافیک اداره سی نینگ بیناسینی ایککینچی قبتیگه چه کیریب باریب کینچه لیک تشقریده بولگن خوف سیزلیک کوچلریگه قره ته اوق آچگن.

عینی حالده خوست ولایتی نینگ باشقه بیر پلیس مقامی محلده کی مطبوعات فعاللریگه اوشبو توقنه شولرده کمیده اوچ پلیس عسکری نینگ قربان بولگنیدن خبربیرگن.

شونینگ دیک ترافیک اداره سیده کیریب بارگن عصیانچیلرنینگ انتحاری واسکت لر بیلن جهازلنگنی ایتیلگن.

بوندن بیرکون الدین بیرانتحارچی کابلده کی سردارمحمد داودخان شفاخانه سیده کیریب اوزینی پارتله تگندی اوشبو هجومده کمیده التی کیشی قربان و 23 کیشی یره لندی.

سونگی پیتلرده دولتی اداره لرنی طالبان عصیانچیلری تمانیدن هجوم گه الیش واقعه لری کوپلب کوزه تیلماقده.