افغانستان مدافعه وزیری نینگ هندوستانده کی سفری

افغانستان مدافعه وزیری عبدالرحیم وردک اوچ کونلیک رسمی سفر بیلن هندوستان گه ایتیب بارگن. سفرجریانیده هندوستان نینگ افغانستان حربی بولمیده سوزبیرگن همکارلیگی مباحثه ایتیله دی.

اوشبو سفرده رحیم وردک ای کی آنتونی بیلن اوچره شیب منطقه بویچه خوف سیزلیک وایکله اولکه اره سیده کی امنیتی همکارلیک لر خصوصیده هم صحبت قیلیشی کوتیله دی.

هندوستان دولتی افغانستان نینگ قیته قوریش وترقیاتی اوچون کتته یاردم بیریب کیلگن چیت ایللیک اولکه لر قطاریده دیر.

ایککی اولکه مقاملری هم اوزلرینی تروریزم قربانی دیب بیله دی . مقاملرگه کوره بو اولکه لر بیلن قوشنی بولگن پاکستان دن تروریزم صادر بوله دی.

منطقه بویچه خوف سیزلیک خواطرلری وهندوستان دولتی نی افغان امنیتی کوچلری نینگ مشق تیارگرلیک لردن اوتکزیش اوچون سوزبیرگن یاردملری باره سیده صحبت لش اوشبو اوچره شوونینگ اساسی قسمینی تشکیل بیره دی.

" افغان امنیتی کوچلری نینگ مشق و تیارگرلیک لردن اوتکزیش اوچون بولگن همکارلیک وبو کوچلرنینگ اوز اولکه سیدن مدافعه ایتش قابلیتینی کوچیتره دیگن همکارلیک نی خوش قرشی لی میز." دیب ایتگن افغانستان مدافعه وزیری عبدالرحیم وردک. هندوستان ده کی سفری جریانیده.

هندوستان دولتی نینگ اون ییل جریانیده افغانستان قیته قوریش برنامه لریگه قریب بیریریم میلیارد دلاریاردم قیلگنی ایتیلماقده. هندوستان باش وزیری مان موهان سینگ، اوتگن ای افغانسان گه قیلگن سفریده باشقه یاردم لری قوشیمچه افغان امنیتی کوچلری نینگ مشق و تیارگرلیک لردن اوتکزیش اوچون کوپراق یاردم بیریشینی سوزبیرگندی.

هندوستان وافغانستان علاقه لرینی یقین له شیشی پاکستان نینگ خواطرلریگه سبب بولیب ایرم حالت لرده پاکستان مقام لری هندوستان نینگ افغانستانده کی کینگ حضوریدن قیتغ تنقید قیلگن.

معلوم بولگنی دیک پاکستان نینگ هندوستان بیلن یخشی علاقه سی بولمه گن. سونگی پیتلرده پاکستان و افغانستان علاقه لری هم مرکب لشگن.