بیرلشگن ملت لر تشکیلاتی قره لیستی دن نیچه طالب چیقریلیشی، تیکشیریله دی

Image caption بیرلشگن ملت لر تشکیلاتی بوندن آلدین افغانستان دولتی پیشنهادی سببلی نیچه طالب نینگ مذکور تشکیلات قره لیستی دن چیقرگن.

بیرلشگن ملت لر تشکیلاتی نینگ کمیته لریدن بیری، طالبان گروهی نینگ بعضی کیشی لری اوشبو تشکیلات قره لیستی دن چیقریش توغری سیده تیکشیریش ایشینی باشله گنیدن خبر بیرگن.

خبر لرگه کوره، مذکور اقدام افغانستان دولتی پیشنهادی بیلن صورت تاپه دی.

افغانستان دولتی، تینچ لیک جریانی تیز راق ایلگری کیتیشی شو نینگ دیک طالبان بیلن مذاکره قیلیش ریجه لر یخشی صورتده ایلگری کیتیشی مقصدیده ، طالبان گروهی نیچه کیشی سی نینگ آت لری بیرلشگن ملت لر تشکیلاتی نینگ قره لستی دن چیقریشی نی طلب قیلگن.

افغانستان دولتی خادم لری نینگ بیری گه کوره، مذکور دولت بوندن آلدین راق طالبان گروهیگه تیگیشلی 47 کیشی، بیرلشگن ملت لر تشکیلاتی قره لیستی دن چیقیریلیشی نی طلب قیلگن ایدی. لیکن اونینگ معلوم قیلیشیچه، بیرلشگن ملت لر تشکیلاتی نینگ 1267 ناملی کمیته سی مذکور کیشی لرتوغریسیده افغانستان دولتی دن کوپراق معلومات طلب قیلگن.

افغانستان دولتی نینگ مذکور مقامی ، آتی توتیلمس لیگینی ایتیب بی بی سی بیلن بولگن صحبتیده، طالبان نینگ اوشبو 47 کیشی لر دن حاضر گه قدر افغان دولتی 18 کیشی نینگ معلوماتی نی تیارلب، بیرلشگن ملت لر تشکیلاتی نینگ 1267 دیگن کمیته سیگه تقدیم ایتگن.

1267 کمیته سی نینگ جلسه سی جون آیی نینگ اورته راق لریده یولگه قوییلیشی معلوم بولگن.

افغانستان دولتی نینگ مذکور مقامی گه کوره، بیرلشگن ملت لر تشکیلاتی نینگ قره لیستی دن چیقریلیشی کوتیله یاتگن لرآره سیده ملی تینچلیک کینگاشی نینگ بیش اعضا سی هم موجود دیر.

مذکور کینگاش طالبان بیلن مذاکره لر نینگ ایلگری آلیب باریش مقصدیده جمهور رییس کرزی تمانیدن تشکیل ایتیلگن.

بوندن آلدین راق بیرلشگن ملت لر تشکیلاتی تمانیدن طالبان گروهی نینگ قدیمکی اعضا لری نینگ بیش کیشی سی مذکور تشکیلات نینگ قره لیستی دن چیقریلگن ایدی. طالبان زمانیده گی تشقی ایشلر وزیری وکیل احمد متوکل همده اوشبو گروه نینگ اسلام آباد ده گی ایلچیسی ملا ضعیف مذکور کیشی لر جمله سیدن حسابلنه دیلر.

طالبان گروهی نینگ مذکور ایککی مقامی ، اوشبو گروه حاکمیتی آغدریلگنی دن کیین اوشله ب آلینیب، همده بیر مدت نی گوانتانامو قماقخانه سیگه هم اوتکزگن لر.

اوشبو ایککی کیشی گوانتانامو قماقخانه سیدن آزاد بولیش لری بیلن ، کابل گه کیلتیریلیب، افغانستان حکومتی چوکاتیده سیاسی فعالیت لر ایلگری آلیب باره دیلر.