هلمند مرکزی نینگ خوف سیزلیگی افغان کوچلریگه تاپشریلدی

هلمند ولایتی نینگ یوقاری مقاملریگه کوره اوشبو ولایت نینگ ایریم منطقه لری نینگ خوف سیزلیک مسوولیتی خارجی کوچلردن افغان کوچلریگه تاپشریلگن.

هلمندولایتی نینگ ولایت حاکمی گلاب منگل ریجه اساسیده باشقه منطقه لر خوف سیزلیگی هم افغان امنیتی کوچلریگه تاپشریلسه اوشبو کوچلر خوف سیزلیکنی تامین لش قابلیتیگه ایترلیچه تیارگرلیکی باردیب سوزیوریتدی .

هلمند رسمیلری نینگ ایتیشلریچه اوشبو ولایت نینگ ایریم منطقه لرده خوف سیزلیک وضعیتی اوتمیش لرگه کوره انچه یخشی بولگن.

شوباعث اوشبو ولایت نینگ مرکزی لشکرگاه خوف سیزلیگینی افغان امنیتی کوچلریگه تاپشریش باسیغ یامرحله سی باشلنگن.

هلمند ولایتی نینگ ولایت حاکمی گلاب منگل لشکرگاه شهری نینگ بعضی منطقه لری نینگ خوف سیزلیک مسوولیتی ازمایشی شکلده خارجی کوچلردن افغان امنیتی کوچلریگه تاپشریلگنینی معلوم قیلیب، بوحقده شوندی دیدی "ایساف کوچلری عملا اوشبو حدودلردن چیقیب ضرورت بولگن منطقه لرده باریب جایلشگن. بیزنینگ خوف سیزلیک کوچلری میز امنیت نینگ تامین قلیش قابلیتیگه ایگه. نه فقط خوف سیزلیک بلکه قیته قوریش وباشقه حکومت دارلیک کبی بولیم لرده ارتیق مسوولیتلرنی اوز ضیمه سیگه الیشگه محلی حکومت نینگ قابلیت لری کوچیگن."

افغان امنیتی کوچلریگه خوف سیزلیک مسوولیتی تاپشریلگنده اوشبو کوچلریخشی جهازلنمه گنی سبب خوف سیزلیک نی توله تامین قیلیش قابلیتیگه قادیر ایمسلیگی ایتیلماقده. هلمند حاکمی گلاب منگل هوای کوچ بولمه گنی همده افغان امنیتی کوچلری نینگ یخشی قورال اسلحه بیلن جهازلنمه گنی معما دیب لیکن، شوندی بولسه هم افغان کوچلری حاضرگی شرایط ده هم خوف سیزلیکنی تامین قیلیشگه قادیرایکن لیگیگه ایشانچ بیلدردی.

ولایت حاکمی گلاب منگل PRT یاده ولایتی قیته قوریش خارجی کوچلرنینگ فعالیت الیب باریشینی ایتیب ، بوندن بویان اوشبو کوچلر فعالیتی کوپراق محلی اداره لرظرفیتینی کوچیتریشگه قره تیلیشینی معلوم قیلدی.

ایریم هلمند لیک لر خوف سیزلیک مسوولیتینی افغان امنیتی کوچلر ضیمه سیگه توشیشدن خرسند لیک بیلدریب لیکن، افغان کوچلری خوف سیزلیکنی توله تامین قیلیشگه قادیر ایمسلیگینی ایتماقده.

کابل، پنجشیر ، مزارشریف بامیان، هرات و لغمان ولایتی نینگ مرکزی مهترلام شهرلری نینگ خوف سیزلیک مسوولیتی خارجی کوچلردن افغان امنیتی وکوچلرگه تاپشریلیشی کیله جک سرطان آی باشله نیشی ریجه لشتریلگن.

افغانستان حکومتی خوف سیزلیک مسوولیتینی افغان کوچلریگه تاپشریش اوچون افغان امنیتی کو چلری نینگ تورلیچه اسلحه قورال بیلن جهازلنتریلیشی اساسی شرط دیب کورستماقده.

عینی حالده بیرینچی باسیغیچ ده اوشبو منطقه لر خوف سیزلیگنی افغان کوچلری اوز ضیمه سیگه الیشگه قادیر ایکن لیگنی تاکیدلیدی. لیکن، ایریم لر حاضرگه قدرهم افغان امنیتی کوچلری خوف سیزلیکنی توله تامین قیلیش قابلیتیگه قادیر ایمس لیگینی ایتماقده.