ناتو: بیز یخشی نتیجه لر قولگه کیلترماقده میز

ناتو کوچلری اوتگن بیر آی ایچیده خوف سیزلیک مسئله سی اوچون قیلگن فعالیت لری نی اعلام قیلدی.

اوشبو کوچلر، اوتگن بیر آی جریانیده یوزلب حربی عملیات نی افغانستان نینگ ایریم حدود لریده افغان کوچلری بیلن قوشیمچه یولگه قویگن لیگی نی معلوم قیلدی.

ناتو نینگ افغانستانده گی سوز چیسی جنرال جوزف بلاتس نینگ ایتیشیچه، اوشبو کوچلر افغان خوف سیزلیک قوت لری بیلن قوشیمچه، ارزگان ولایتیده فعالیت آلیب باره یاتگن طالبان گروهی نینگ اوچ قوماندانی نینگ اوشله ب آلینشی نتیجه سیده مذکور ولایت وضعیتی یخشی تمانگه ایله نگن.

بلاتس جنابلری نینگ معلوم قیلیشیچه، مذکور کوچلر، تورت کون ایلگری هلمند ولایتی نینگ کجکی اولوسوالیگیده عملیات یولگه قوییب ، نتیجه ده عصیانچیلر نینگ قریب بیر یریم ملیون دالر لیک مخدره ماده لری نینگ اورته دن ایلتگنلر.

بلاتس جنابلری گه کوره، طالبان گروهی نینگ قرشی سیده یولگه قوییلگن برچه حربی عملیات لر افغان کوچلری نینگ رهبریتی ده صورت تاپگن.

ناتو کوچلری نینگ سوزچی سی شونگه قوشیمچه قیلیب اوتگن اون آی جریانیده طالبان گروهی نینگ قریب بیش مینگ کیشی سی افغانستان دولتی نینگ یره ش جریانیگه قوشیلگنی نی هم معلوم قیلدی.

" اگر سیز لر مذکور حسابات نینگ ییغسنگیز لر، نتیجه ده بیش مینگ کیشی حدودیده ، ایریم مرحله لر طفیلی ، اون آی جریانیده ، تینچلیک جریانیده قوشیلگن لر. بو یخشی بیر خبر دیر. همده بو اوریش اویینی جریانیده یخشی بیر اوزگریش حسابلنه دی دیب ایتدی آیساف کوچلری نینگ سوزچیسی جنرال جوزف بلاتس."

بوندن ایککی کون مقدم افغانستان ملی تینچلیک قوریلتایی نینگ رییسی برهان الدین ربانی هم طالبان گروهی نینگ ایریم بولیم لری بیلن رابطه قورگنلیگی دن سوز یوریتگن ایدی.

ربانی جنابلری ، مذکور قوریلتایی ایش لری یخشی شکلده ایلگری کیتیشی نی ملت وکیل لرگه اورغوله ب ، شو نینگ دیک ، اوشبو قوریلتای نینگ برچه ایش لری خارجی کوچلر قولی دن آلینیب افغان لر قولی گه توشگنی نی معلوم قیلدی.

اوتگن نیچه ییل دن بیری افغانستان دولتی ، مملکت ده تینچلیک نی برقرار قیلیش نیتیده ، هر دایم طالبان گروهی دن ، عصیان کار لیک فعالیت لری دن قول تارتیش لری نی ایسته ب کیلگن ، لیکن شونده ی بولسه هم مذکور گروه ، دولت نینگ هر چقیریشی دن کیین ، عصیانچلیک هجوم لری نی کوپه یتیریب ، نتیجه ده ایچکی و تشقی قوت لر بیلن قوشیمچه ، عادی اهالی تلفاتی گه هم سبب بولگن لر.