افغان ملی اردوسی رغبت سیزلیککه عیبلندی

امریکا مفتیشلری افغان کوچلرینی تشبث ورغبت لری یوق لیگینی اورغولب عینی حالده انظابط نینگ اولر تمانیدن رعایت ایتیلمسلیگینی ایتگن لیکن، افغانستان مدافعه وزیرلیگی بوموضوعنی رد ایتدی.

افغانستان خوف سیز لیک مسوولیتی 2014 نچی میلادی ییل گه قدر افغان کوچلری گه تاپشیریلیشی ریجه لنگن . شوباعث دنیا هم جمعیت مملکت لر اینیقسه امریکا قوشمه ایالت لری، افغانستان خوف سیز لیک کوچلری نینگ قندی وضعیت ده ایکن لیگینی تورلی تماندن تیکشریب کیلماقده .

بوموضوع ایسه نه فقط افغانستان بلکه خلق ارا دایره سیده هم قیزیق بحث لرنی توغدیرگن.

امریکا مدافعه وزیرلیگی سونگی چیقارگن حساباتیده افغان ملی اردو کوچلریگه رغبت و تشبث یوقلیگینی تاکیدلب اولر تمانیدن حربی انضباط لر رعایت ایتیلمسیگینی معلوم قیلیگن. عینی حالده افغان حربیلری نینگ مستقل عمل قیلیشگه قادر ایمس لیگینی ایتگن.

امریکالیک مفتیش لر، افغانستانده فعالیت آلیب باره یاتگن لیتوانیا لیک ایککی عسکر نینگ سوزلریگه اساس لنیب. اوریش جریانیده افغان عسکرلرینی یاشنیب یاده قاچیب کیتگن حاللریگه گواه بولگنینی ایتگنلر.

امریکا مفتیش لریگه کوره اوشبو لیتوانیا لیک عسکر لر بوحالتنی نورستان ولایتیده یوزبیرگن اوریشلردن بیریده کوزه تگنلر.

لیکن افغانستان مدافعه وزیرلیگی نینگ سوزچیسی ظاهر عظیمی بوکبی ادعالرنی مطلقا رد ایتیب چیققدی.

"ایریم دوست لری میز حربی مسله لرینی بیلمی یاده رغبتنی بیلمی بیرنرسه لرنی ایتیب اوز وقتلرینی اوتکزه دی رغبت نینگ تورلی جهت لری بار، یخشی جهازلنیش رهبرلیک قلیش رغبت معنی سیده اگر افغان کوچلرینی رغبتی وتثبثی بولمه سه اولرنینگ بیران بیرگروپی طالبان گه تسلیم بولگنمی. یوق بو اوزی رغبت نی کورسه ته دی. انتحارچیلر مقابلیده قراولگه تورگن عسکرلرنی قندی رغبتی بولمه گن. بولرنی همه سی رغبت و انضباط دیر." دیب ایتدی او.

باشقه تماندن غرب روزنامه لریدن بیریده نشر ایتیلگن مقاله ده افغان امینتی کوچلرنینگ یخشی تیارگرلیک لردن اوتمه گنی تاکیدلنیب ملی اردوی عسکرلری نینگ کوپینچه سینی سواد سیز ایکن لیگی ایتگن. عینی زمانده اوشبو مقاله ده افغان امینتی کوچلری اره سیده کینگ کولمده فساد موجود لیگی هم قید ایتیلگن.

شونینگ دیک امریکا مدافعه وزیرلیگی تمانیدن چیقاریلگن سونگی حسابات نینگ کورسه تیشیچه، اوتگن اون ییل جریانیده امریکا قوشمه ایالت لری، افغانستان ملی اردو سی نینگ جهازلنتریش اوچون کتته مبلغنی صرفله گن. لیکن ، شونده ی بولسه هم افغان کوچلری حاضرگه قدرچه امریکا کوچلریگه تیه نیب مستقل عمل قیلیش گه قادر ایمسلیگی ایتیلگن.