"افغانستان عیاللر اوچون اینگ خطرلی منطقه"

Image copyright Getty Images

رویترز تامسون تشکیلاتی نینگ چیقارگن حساباتیگه کوره، افغانستان عیال لر اوچون دنیا ده گی اینگ خطر لی منطقه لردن سنه لگن.

اوشبو حسابات ده ایککی یوز دن آرتق جنسی مسآله لر بوییچه ایش آلیب باره دیگن متخصص لر اقتصادی قیین چیلیک لر، ساغلیک معما لری و زوره وان حال لری کوزگه کورنرلی درجه ده بولگن ممکلت لر عیاللر وضعیتی حقیده اورگنیش گن لر. اوشبو حسابات ده افغانستان، پاکستان، کنگو، هندوستان و سومالیامملکت لری خاتن قیزلر وضعیتی یامان لیگی گه بیرینچی، ایککینچی، اوچینچی، تورتینچی و بیشینچی اورن لرگه قرار تاپگن. شونینگ دیک، مذکور حسابات، افغانستان عیاللر اوچون عموما اینگ خطرلی مکان حساب لنیشینی بیان ایتگن اما عیاللرگه قرشی زوره وان لیک، ساغلیک و اقتصادی امکانیت لردن چیگرلنیش حالت لریگه علهیده اعتبار بیرگن.

مذکور حسابات افغانستانده، عیال لر گه قرشی زوره وانلیک، ساغلیک کمچیلیک لری، وکم بغللیک اوشبو مملکت عیاللریگه اینگ یامان وضیعت نی ایجاد ایتگننی ایضاح له گن.

"عیاللری تغیری" دیب ناملنگن تشکیلاتی نینگ رئیسی انتونیلا نوتاری گه کوره، دوام ایته دیگن نا تنچ لیک لر، ناتو کوچلری نینگ هوا هجوم لری، همده عملی بوله دیگن موجود فرهنگ و عنعنه لر افغانستان نی عیال لر اوچون اینگ خطرلی مکان گه ایلنتیرگن.

خانم نوتاری نینگ ایتیشیچه، آوازینی چیقاریب، اوز حق حقوق لری اوچون کوره شگن عیاللر تحدید بولیب و یا هم اولدیریلگن لر.

عیندمده، رویترز تامسون بنیادی نینگ رئیسی مونیگا ویلا گه کوره، زوره وان لیک کبی سیزیلمس خواطر لر بمب، تاشلش، جنسی تجاوز و قتل کبی مشکل لر خواطرلری بیلن برابر دیر.

مذکور حسابات، افغانستان عیاللر اوچون عموما اینگ خطرلی مکان بولگنی یانیده زوره وان لیک، ساغلیک و اقتصادی حالت لرگه کوپراق تاکید له گن.

حساباتگه کوره، افغانستانده آنه لر اولیمی یامان احوالده، عیاللر ساغ لیک امکانیت لردن چیگرلنگن، اولرنینگ هیچ قنده ی اقتصادی حقوق لری کوزگه توتیلمه گن.

اوشبو حسابات ده ایککی یوز دن آرتق جنسی مسآله لر بوییچه ایش آلیب باره دیگن متخصص لر اقتصادی قیین چیلیک لر، ساغلیک معما لری و زوره وان حال لری کوزگه کورنرلی درجه ده بولگن ممکلت لر عیاللر وضعیتی نی اوقیگن لر.

افغانستانگه قوشمچه، پاکستان ناموسی قتللر و جبر بیلن تورموشگه چیقاریش کبی حالت لر گه بیرینچی اورنگه قرار تاپگن.

مذکور حسابات بوییچه، کنگو و پاکستان عیاللر وضیعتی نینگ یامان لیگی ده افغانستان دن کیین ایککنی و اوچینچی اورن لرگه قرارتاپگن.

قیز باله لرنی اولدیریشی و عیاللر تجارتی بوییچه هندوستان تورتینچی اورنگه قرار تاپگن. شونینگ دیک، سومالیا هم بیشینچی اورنگه قرار تاپگن