اوکراین سابق باش وزیری محکمه گه تارتیلماقده

Image copyright BBC World Service

اوکراین نینگ سابق باش وزیری یولیه تیموشینکو اوز لوازیمینی سوء استعمال قیلگنی عیب لاوی بیلن آچیلگن محکمه ایشینی"تماشا" دیه قاره لگن. کیفده آچیلگن محکمه ایشیده گپیره توریب، تیموشینکو خانم حکمنی اوز جدی رقیبی، ویکتور ینوکافیچ نینگ قوغیرچاغ دیب ایتگن. او نینگ ایتیشیچه، ینوکافیچ هر قنده ی مخالف چوچه یدیگن قورقاق دیر. تیموشینکو خانم نینگ 2009 نچی ییلده مسکو گزته میناتی قیسقه مدتگه اوزیب قوییشی آرتیدن روسیه بیلن گزکیلیشویگه امضا چیکیشی اوز لوازیمینی سوء استعمال قیلیش دیه بهاله گن. ادعالرگه کوره، بو کیلیشو اوکراین گه اوته قیمتگه توشگن. تیموشینکو نینگ یوزلب طرف دار لری محکمه ایشی نی سیاسی هجوم دیه محکمه بناسی قرشی سیده نمایش یولگه قویدیلر. بی بی سی محکمه ایشی حقیده بریتانیاده گی بیرمینگیم عالی اوقویورتی نینگ شرقی اروپا سیاستی بوییچه کتته اوقیتوچی سی کترینا والچوک بیلن صحبتلشتدی. والچوک: یولیه تیموشینکو 2004 نچی ییلدی اوکراین ده یوز بیرگن "نارنج انقلابی" دن کیین ایککی مرته باش وزیر بولدی. شونده ی ایکن، او اوز وقتیده مملکتی نینگ اینگ قدرت لی شخصی بولگن دییش ممکن. باش وزیر بوله توریب یولیه تیموشینکو نینگ بعضی اساسلنمه گن قرارلرنی آلگنی دعوا قیلینه دی. بی بی سی: اساس لنمه گن دعوالر دیاپسیز. بو باره ده انیق دعوا لر موجود می یا که بو خلق آره سیده شکل لنگن عمومی فکر می؟ والچوک: یوق، انیق عیبلاولر البته. بو عیبلاولردن بعضی لری، مثال اوچون، فایده سیز ایمداریلرنی ساتیب آلیش، تیز یاردم خذمتیگه معیاری دن آشیق توله ش، و اینگ مهمی، روسیه بیلن بولگن سودا و انرژی بیتیم لریگه تعلق لی. دعوا قیلینیشیچه، یولیه تیموشینکو گویا که روسیه بیلن اوکراین منفعتی اکراین لیک عالیگرخلر فایده سیگه خذمت قیلمه یدیگن بیتیم لرنی امضاله گن. بی بی سی: بعضی فکر لرگه کوره، یولیه تیموشینکوگه قوییله یاتگن عیبلاولر اصلیده اونینگ باش وزیرلیک دوریگه ایمس، بلکه حاضرگی جمهور رییس ینوکاویچ بیلن بولگن رقیب لیگیگه تعلق لی. بو فکر لر قنچه لیک اساس لی؟ والچوک: بو ایش نینگ سیاسی وجه لرگه اساسلنگنیگه شبهه قیلوچی لر جوده کم. تیموشینکو خانم اوز وظیفه سینی سوء استعمال قیلیشده عیبلنگن بیر نیچه سابق حکومت ملازم لریدن بیری دیر. بونده ی ایشلر اوکراین ده جوده آسان لیک بیلن عملگه آشیریله دی. چون که اوکراین ده باش پراکوره توره و عالی محکمه عملده جمهور رییس تمانیدن نظارت ایتیله دی. ینگی قدرتگه کیلگن جمهور رییس ینوکاویچ اوشبو تیرگاو ایشی نی یولیه تیموشینکو باشلیق بولگن مخالفت نی کوچ سیزلنتیریش اوچون باشله تدی. بی بی سی: "نارنج انقلابی" پیتیده یولیه تیموشینکو نینگ آبرو سی جوده بلند ایدی. او حلی یم بونده ی آبرو دن بهرمند می؟ والچوک: اوتگن ییل بولیب اوتگن جمهورلیک سیلاویده کیچیک فرق بیلن مغلوب بولگن ایسه ده، یولیه تیموشینکو نی جوده هم آبرو لی دیب بولمه یدی حاضرده. اوشه ندن بویان او اوزینی مخالفت رهبری صفتیده توله قان نمایش ایته آلمه دی. سببی، حکومت اونی تینچ قویگنی یوق. جنایی ایش چیتگه چیقیشنی تحقیق لب قویدی. حاضرده قوییله یاتگن عیبلاولردن اصل مقصد یولیه نی کیلگوسی ییل بولیب اوته جک پارلمان سیلاولریده اشتراک ایتیش دن چیتله تیش دیب اویله یمن.