خصوصی سکتور نینگ کوچه تیریش اوچون 22 ملیون دالر یاردم بیریلدی

جهانی بانک افغانستان خصوصی سکتوری نینگ ظرفیت لی قیلیش اوچون 22 ملیون دالر یاردم بیردی.

اوشبو یاردم افغانستان تجارت وزیرلیگی تمانیدن، تورت ییل گه قدر صرفلنه دی.

مالیه وزیری گه کوره، خصوصی سکتور محصولات لری ایچکی و تشقی بازار لرگه یول تاپیشی اوچون، اوشبو مبلغ دن فایده لنه دی.

اوشبو ملغ دن، خصوصی سکتور نینگ ظرفیت لری تجارت وزیرلگی تمانیدن ن یوقاری ایتلیشی، کابل، جلال آباد، بلخ و هرات دن باشله نگن.

مالیه وزیرلیگیگه کوره، جهانی بانک خصوصی سکتور نینگ محصولاتی دنیا محصولاتی معیار لریگه ماس بولیشی همده افغانستان محصولاتی تشقی و ایچکی بازارلریده، اوز اورینی نی تاپیشی اوچون، مذکور مبلغ نینگ یاردم بیرگن.

عین زمانده، تجارت وزیری انور الحق احدی هم جهانی بانک نینگ مذکور یاردمی دن افغانستان حکومتی، خصوصی سکتور نینگ تورلی جهت لردن حمایت ایتیب، ظرفیت لرینی یوقاری ایتلتیشیده اورینه دی.

" اوشبو پروژه دن مقصد، خصوصی سکتور نینگ کوچه یتیریش دیر. اوشبو پروژه آرقه لی، قریب 750 کمپنی بیلن ایشله نه دی. تمویل بولیمیده اولر گه درس بیریله دی، بازار یابلیک بولیمیده هم یقین دن بیرگه لریگه ایشله نه دی. شو نینگ دیک بازارلر احتیاجی نینگ قنده ی تشخیص ایتیشی توغری سیده هم اوشبو کمپنی لر بیلن ایشله نه دی. " دیب ایتدی احدی جنابلری

شو نینگ دیک جهانی بانک نینگ افغانستانده گی رییسی، نیک کیرفت، هم افغانستان خصوصی سکتوری نینگ ظرفیت لری یوقاری کیتیش مقصدیده، اوشبو مبلغ نینگ عوض سیز بیر شکلده افغانستان حکومتی اختیاریگه قرار بیرگنی نی اوغوله دی.

کیرفت جنابلری نینگ معلوم قیلیشیچه، خود شو کبی یاردم لر، دنیا نینگ نیچه مملکت لریده عملی بولیب، همده کوزگه کورینرلی درجه ده، تاثیر قویگن.

اما بو حالتده قرگنده، اقتصادی تحلیل چی همایون احسان گه کوره، اگرده مذکور مبلغ قدیمکی دیک، سیمینار لر یولگه قوییلیشی بیلن صرفلنه مملکت خصوصی سکتوریگه تاثیر قویمه یشی نی ایته دی.

شونده ی بیرحالده، افغانستان حکومتی گه کوره، اگر ده مملکت خصوصی سکتوری حکومت تمانیدن، قوللب قوتلنسه، اوشبو سکتور کوچلی بیر شکلده رواجلنیب، افغانستان اوچون، ثمره سی هم کوپه ییب کیته دی.