اوچ کوچ اره سیده کی معمانی حل قیلیش اوچون کمیسیون ایجاد ایتیلدی

پارلمانی سیلاو نتیجه لری خصوصیده اوچ کوچ، اره سیده تاپیلگن قرمه قرشی لیک لرنی حل قیلیش اوچون ریاست جمهورلیک سرای، مخصوص بیر کمیته تشکیل ایتیلگنینی اعلان قیلگن.

ریاست جمهوررلیک سرای تمانیدن ترقه تیلگن بیاناتده جمعه کونی گه چه موجود معمالرگه ایچیم یول تاپیش اوچون انیق تکلیف، ایجاد ایتلگن کمیسیون تمانیدن ریاست جمهورلیک مقام گه تاپشریلیشی قیدایتیلگن.

افغانستان جمهوررییسی حامدکرزی عالی محکمه و سیلاولر کمیسیون نینگ اعضالری ، عدلیه وزیرلیگی، پارلمان ایشلری بویچه وزیرلیک، امنیت کینگاش و قانون دن نظارت ایتوچی مخصوص کمیسیون اعضالری بیلن اوتکزگن یغیندن سونگ اوشبو کمیسیون نینگ ایجاد ایتیلیشگه قرار الینگن.

کمیسیون اوچ کوچ اره سیده تاپیلگن جنجللرنی برطرف ایتیش اوچون مستقل سیلاولر کمیسیونی تمانیدن جمهوررییس کرزی گه تکلیف ایتلگن التی بنددن عبارت بولگن طرح نی کوریب چیقه دی.

پارلمانی سیلاو نتیجه لری خصوصیده تیکشرو والیب بارگن مخصوص محکمه اوز قرارینی اعلان ایتگنیدن کیین ملی کینگاش ، جمهورریس و عالی محکمه اره سیده مخصوص محکمه نینگ قانونی لیگی حقیده قرمه قرشی لیکلر تاپیلدی.

چونکه ملی کینگاش وکیللری مخصوص محکمه نی غیر قانونی دیب موفق اعلان ایتلگن 62 ملت وکیللرینی وظیفه لریدن چیتلنتریشگه مخصوص محکمه نینگ حقی یوق لیگینی اورغولب کیلماقده.

عینی معما باعث ملی کینگاش، عالی محکمه رییسی قوشیمچه اوشبو محکمه نینگ بیش اعضاسیگه اعتماد سیزلیک اواز بیردی. شونینگ دیک قاره لاوچی اداره باشلیغینی هم اوز وظیفه سینی ترک ایتیشگه قرار چیقاردیلر.

بو اوچ کوچ اره سیده تاپیلگن قرمه قرشی لیک لر اوز اوجیگه ایتیشیب، ایریم ملت وکیللری اساسی قانون نینگ 69 بندیگه ماس مخصوص محکمه قوریلیشنی ایلگری سوردیلر. مخصوص محکمه جمهوررییس پارلمان تمانیدن ملی خیانت گه عیب لنگنده ایجاد ایتلیشی توغری کیله دی.

ایریم ملت وکیللری ایککی کون الدین عمومی یغینده افغانستان چیگره حدودلرینی پاکستان تمانیدن راکتی هجوم گه النیب کیلینه یاتگنی خصوصیده جمهورریس کرزی نینگ جیم قالیشی سواللرنی توغدیرگندیب قتیغ قاره لب چیقدیلر.

باشقه تماندن مخصوص محکمه تمانیدن موفق دیب اعلان ایتلگن ایریم معترض نامزد لر بیر یغین ارقه لی مخصوص محکمه قرارینی اوزگرتریشگه هیچ کیمنی حقی یوق لیگینی تاکیدله دی.

مخصوص محکمه قراری اساسیده مستقل سیلاولر کمیسیونی تمانیدن موفق دیب اعلان ایتیلگن 62 کیشی نینگ پارلمانده کی وظیفه لری بیکار قیلینیب اولراورنیده 62 نامزد وکیللر موفق دیه اعلان قیلیندی.