قاره لاوچیلر خواطری خوف سیزلیکنی تاپشریش آستانه سیده

افغانستان حکومتی خوف سیزلیک نی افغانلرگه تاپشریش جریانی موفقیت لی بولیشی اوچون قاره لاوچی و محمکه اداره لری قرشیسده تورگن معمالرنی برطرف ایتش مقصدی بیلن مخصوص برنامه یولگه قوییگن.

قاره لاوچی اداره خادملرینی ایلیک لرینی اشریش، اولرنینگ خوف سیزلیگی و ایش امکانیت لرینی تامین لش اوشبو برنامه نینگ اساسی قسمی بولگن.

کابل گه چقریلگن بلخ،هرات، بامیان، پنجشیر، لغمان وهلمند ولایت لری نینگ محکمه و قاره لاوچی اداره لری نینگ باشلیغلری عدلی وقضای خادملر بولمه گن تقدیرده خوف سیزلیک مسوولیت لرینی افغان لرگه تاپشریلیشی معما توغدریشینی ایتگنلر.

هرات قاره لاوچی اداره سی نینگ باشلیغی ماریا بشیر قانون نینگ تطبیق ایتیش قاره لاوچی خادملرینی اساسی بورچی ایکن لیگینی اورغولب بوموضوع حکومتدارلیکنی کوچیتریشگه اساسی رولی بارلیگینی تاکیدله دی.

حکومت اداره لرینی یخشی لشتریش مسوولیت لرنی افغانلرگه تاپشریش برنامه سی نینگ ایککینچی قسمینی تشکیل بیره دی.

خانم بشیرگه کوره حاضردن باشلب خوف سیزلیک معمالری باعث هرات قاره لاوچی خادملری چیککه تومنلرده باریشگه قادیر ایمس لر."غوریان قاره لوچی اولدریلگنده تحقیقات اوچون بیز اوچ قاره لاوچی اوشبو تومنده سفرقیلدیک.عیبدار کیشیلرنی توتیش اوچون پلیس دن یاردم سوره دیک. لیکن، تومنده فقط بیش پلیس موجود ایدی. قاره لاوچی اداره بیناسی قوریلگن.اما امنیتی پوسته لر موجود ایمس پلیس اداره سیده باش اوردیک اولر ایسه تشکیل یوق، پلیس عسکرلر سانی ازدیب بیرگه یاردم بیرمیدی بولر اساسی معما توغدره دی". دیب ایتدی او.

بیراق بلخ قاره لاوچی اداره سی نینگ باشلیغی ظاهر نادر امنیتی تهدید لر قوشیمچه قاره لاوچی خادملرینی اییلیکلری جوده پس بولگنی اساسی معما ایکنینی دن شکایت بیلدردی.

کابلده چقریلگن قاره لاوچی اداره باشلیغلری، اوز نوبتیده سوزیورتیب، قاره لاوچی اداره لرینی اساسی معمالریگه اعتبار قره تیلمه سه، مسوولیت لرنینگ افغان لرگه انتقال بیریش پروسه سی نینگ ایککینچی باسیغ یا مرحله سینی موفقیتگه ایریشمسلیگی بیلن اگاه لنتردیلر.

اما، افغانستان قاره لاوچی اداره سی نینگ اورین باسری عبدالوکیل امینی قاره لاوچیلرنینگ بوتون معمالرینی حل ایتیش اوچون چاره تدبیر یولگه قویلیشینی تاکیدله دی.

یقین کیله جکده افغانستان نینگ یتتی ولایتی نی خوف سیزلیگی خارجی لردن افغان کوچلریگه تاپشریلیشی باشله نه دی .

هرچند افغانستان حکومتی یتتی ولایت خوف سیزلیگینی تامین قیلیش اوچون ایتریلیچه تیارگرلیک بارلیگنی ایتماقده. لیکن، قاره لاوچی خادملریگه کوره ایریم تومنلرده پلیس کوچلری سانی نینگ از بولگنی جدی معما توغدریشی ممکن.