فرانسه افغانستانده کی عسکرلری سانینی کمیتره دی

Image copyright Getty

فرانسه جمهوررییسی نیکولا سارکوزی کابلده کی سفری جریانیده 2012 میلادی ییل نینگ آخرلریگه چه 1000 فرانسه لیک عسکرنی افغانستاندن چیقیب کیتیشینی اعلان قیلدی.

عینی حالده سارکوزی جنابلری شوپیتگه قدر حربی بولیمده بوله یاتگن یاردملرنی کوپراق اقتصاد، زراعت، معارف ساحه سیده صرفه له نشی ممکن لیگینی ایتدی.

عینی حالده او، افغانستان حکومتی بیلن بیش ییللیک بیر کیلشوو بیتمی گه امضا قویشدن سوزیورتیب لیکن، بوباده اچیقچه معلومات بیرمه دی.

باشقه تماندن سارکوزی جنابلری افغانستان امنیتی نی تامین لش اوچون پاکستان دولتی نینگ اساسی رولی بارلیگنی اوروغولب بوحقده پاکستان نینگ جدی همکارلیک قیلیشی ضرور لیگینی تاکیدله دی.

فرانسه جمهوررییسی سارکوزی سروبی تومنیده سفر قیلیب فرانسه عسکرلری بیلن هم اوچره شگن.

فرانسه نینگ افغانستانده توپلم 4000 عسکری بولیب کابل ولایتی نینگ سروبی تومنی وکاپیسا ولایتده خوف سیزلیکنی تامین لش اوچون فعالیت آلیب بارماقده.

2002 میلادی ییلدن بیری حاضرگه چه معلومات لرگه کوره 64 فرانسه لیک عسکر افغانستانده هلاک بولگن.

فرانسه دولتی امریکا قوشمه ایالت لریدن کیین جاری میلادی ییلده افغانستان ده کی حربی کوچلرینی الیب چیقیشنی باشله یشینی ایتگن.

اوشبو اولکه دولت رسمیلری جاری میلادی ییل 400 عسکرینی افغانستان دن الیب چیقیشینی معلوم قیلگن و 2014 میلادی ییل ایتیشمی بوتون کوچلرینی افغانستاندن چیقیشینی ایتگن.

خوف سیزلیک مسوولیت لرینی خارجی کوچلردن افغان لرگه تاپشریلیشی نینگ بیرینچی باسیغیچی یقین کیله جکده عملی بولیشی ایتیلرایکن. افغانستان حربی کوچی بولگن غرب دولت لری نینگ یوقاری مرتبه لی خادملرینی افغانستانده سفر قیلیش لری تیز لشگن.

بوندن بیرنیچه کون الدین بریتانیا باش وزیری کامرون شونینگ دیک امریکا قوشمه ایالت لری نینگ ینگی مدافعه وزیری لیون پنیتال لر کابل گه سفر قیلگندی.