جمهوررییس اوکه سی احمد ولی کرزی هلاک ایتیلدی

Image copyright Getty

افغانستان جمهورریسی حامدکرزی نینگ اوکه سی احمد ولی کرزی اوز اویده قوراللی شخص تمانیدن اتیب اولدریلگن. احمد ولی کرزی قندهار ولایتی نینگ ولایتی کینگاش باشلیغی صفتیده وظیفه آلیب باررایدی.

محلی رسمیلر احمد ولی کرزی نینگ اویشتریلگن سوی قصد نیتجه سیده هلاک بولگنینی تصدیق له گن. بیراق اونی جانیگه اویشتریلگن سوی قصد باره سیده اچیقچه معلومات بیرمه گن.

دستلبکی معلومات لرگه کوره احمد ولی کرزی اوز اویده قوریقچیسی تمانیدن اتیب اولدریلگنی ایتیلگن.

احمد ولی کرزی افغانستان ده کی سیاسی شخصیت لردن بیری صفتیده تانیلیب امریکا قوشمه ایالت لری بیلن یقین علاقه ده ایکن لیگی ایتیلیب کیلگن.

کرزی طرفدارلری اونی پشتون قومی نینگ حق حقوقیدن مدافعه ایتیش شخص لردن بیری بیله دی و مخالف لری، اونینگ کینگ کولمده مالی فساد و مخدره ماده قاچاقیگه قولی بارلیگیگه عیبلب کیلگن.

بیراق کرزی جنابلری بوکبی ادعا لرنی رد ایتیب چیققن.

افغانستان جمهوررییسی حامدکرزی اوکه سیدن ارقه داشلیک بیلدریب کیلگن.

افغانستانده فعالیت آلیب باره یاتگن خلق ارا کوچلر احمد ولی کرزی نینگ هلاک ایتیلگنیدن تاسف بیلدرگن.

بوخبر یوزه چیقیشیدن نیچه دقیقه اوتگنیدن سونگ جمهوررییس حامدکرزی افغانستان ده سفر قیلگن فرانسه جمهوررییس نیکولا سارکوزی بیلن کابل گه قوشمه مطبوعات انجمنی اوتکزدی.

فرانسه جمهورریسی کرزی نینگ اوکه سینی هلاک ایتلگنیدن تاسف اظهارایتدی. بیراق کرزی جنابلری کنفرانس جریانیده قندی فکر بیلدرمه دی.

قندهار ده کی بی بی سی مخپری نینگ ایتیشچه احمد ولی کرزی نینگ جسدی قندهار ده کی کسل خانه لردن بیری گه انتقال بیریلگن.

بوندن الدین هم ا حمد ولی کرزی گه قرشی بیرنیچه سوی قصد اویشتریلیب لیکن اونگه قندی زیان ایتکزیلمه گندی.

اوشبو زمانده احمد ولی کرزی اوز جانیگه اویشتریلگن سوی قصد لرنینگ طالبان گروهی گه نسبت بیرگندی.