خوف سیزلیک مسوولیتلرینی تاپشریش باشلندی

مرکزی بامیان ولایتی نینگ خوف سیزلیک مسوولیت لری بوگون خارجی کوچلردن افغان امنیتی کوچلریگه رسما تاپشریلگن.

یقین کیله جکده افغانستان نینگ باشقه یتتی منطقه سی نینگ خوف سیزلیک مسوولیت لری افغان امنیتی کوچلریگه تاشریلیشی کوتیله دی.

افغانستان یوقاری مرتبه لی خادملری جمله دن مدافعه، ایچکی ایشلر، معارف و خوف سیزلیک مسوولیت لرینی افغان لرگه تاپشریش اوچون قوریلگن کمیسیون مسوولی اشرف غنی احمد زی لر بامیان ده سفر قیلگن لر.

افغان رسمیلری اوشبو برنامه نینگ عملی بولیشی بامیان ولایتی نینگ خوف سیزلیگیگه هیچ قندی منفی تاثیر قالدرمسلیگینی ایتماقده لر.

بامیان پلیس مقام لریگه کوره اوتگن اون ییل جریانیده بامیان خوف سیزلیکنی توله تامین لش اوچون پلیس کوچلری کتته حصصه قوشیب کیلگن.

رسمی معلومات لرگه کوره حاضرگه قره گنده سککیز یوزدن ارتیق پلیس کوچلری بامیان ده فعالیت آلیب باره دی.

بامیان ولایتی نینگ پلیس باشلیغی جمعه گیلدی یاردم پلیس کوچلری سانینی اشریش و اولرنی ایترلیچه قورال اسلحه بیلن جهازلنترشگه جدی نیاز بارلیگینی تاکیدلیدی. "بیزنینگ اصلی احتیاجی میز ایترلیچه تشکیل بولمه گنی، زره وسیله لرمیز یوق، تا تومنلرگه سفر قیلسک، همده عامه ترتیبنی سقلش ،شاه یوللرنی سقلش پلیس کوچلریگه جدی نیاز بار."

بامیان ولایتیده امنیتی کوچلر و عصیانچیلر اره سیده قندی دیر قتیغ توقنه شولر یوزبیرمه گن. همده افغان امنیتی کوچلری اینگ از تلفاتنی اوشبو ولایتده کورگن.

لیکن سونگی پیتلرده اوشبو ولایت خوف سیزلیگی یمان له شیشی ممکن دیگن خواطر اهالی اره سیده تاپیلگن.

بوکبی خواطرلر نه فقط اهالی بلکه رسمیلر اره سیده هم موجود بولگن،

260 دن ارتیق زیلاند جدید عسکرلری پی ارتی چوکاتیده سککیز ییلدن بیری بامیان ولایتیده خوف سیزلیکنی تامین لش وقیته قوریش خصوصیده فعالیت قلیب کیلماقده. هیو مک ایسلان بامیانده کی پی ارتی کوچلری نینگ عالی حربی مصلت چیسی خوف سیزلیکنی تاپشریش ریجه سینی اخریگه چه اوشبو ولایتده قالیش لریگه ایشانچ بیلدرگن.

بامیان ولایتی افغانستان مرکزیده جایله شیب تاغلی حدود لردن عبارت بولگن.

اوشبو ولایت اینگ تینچ ولایت حسابله نه دی شو باعث هم افغان رسمیلری خوف سیزلیک مسوولیت لری افغان لر ضیمه سیگه توشگن حالده هم خوف سیزلیک وضعیتینی اوشبو ولایت ده یمان بولمس لیگیگه ایشانچ بیلدریب کیلماقده .