"عصیان چی لرنینگ تیلیفون علاقه لری پاکستان بیلن بولگن"

افغانستان ایچکی ایشلر وزیری، جمهوری رییس حامد کرزی مصلحت چی سی نینگ اولیمی گه سبب بولگن عصیانچیلرنی پاکستان بیلن تیلفونی علاقه سی بولگنینی ایتدی .

ایچکی ایشلر وزیری جنرال بسم الله محمدی نینگ ایتیشیچه، ترورچی لرنینگ سونگی تیلفون علاقه لری پاکستان بیلن بولگن.

همده ایچکی ایشلر وزیری اولرنینگ تیلفونده سقلنگن صحبت لری موجود لیگینی معلوم قیلدی.

ملی کینگاش وکیللری حامد کرزی نینگ مصلت چی سی و هاشم وطنوال نینگ قاتل لرینی اچیق لب بیریش اوچون ایچکی ایشلر وزیری بسم الله محمدی نینگ پارلمان گه چقرگن ایدی .

هر چند افغانستان ده اویشتیریله دیگن عصیان کارلیک لرگه قوشنی مملکت لر استخبارات اداره لری هر دایم افغان ملازم لری تامانیدن عیب لنیب کیله دی. لیکن افغانستان ایچکی ایشلر وزیری بوگونی ملی کینگاش مجلیسی گه بو باره ده جدی راق صحبت آلیب بار دی.

"بیز نینگ تیکشیریش گروهی میز موضوع نی آچیق لشگه حرکت قیلماقده. حادثه ده قولی بولگن عصیان چی لرنینگ قول تلفن لری یانیده میز ده. اولرنینگ سونگی علاقه لری پاکستان و افغانستان نینگ ایرم ولایت لریگه بولگن. پاکستان بیلن قوریلگن علاقه لریده برنامه میز عملگه آشدی دیب بیر بیریگه خرسند لیک بیلدیره دی لر،" دیب ایتدی ایچکی ایشلر وزیری.

بسم الله محمدی اوشبو موضوع حقیده گی سونگی تحقیقات تفصیلات لرنی ملی کینگاش وکیل لریگه اچیق له ب بیریشی نی ایتدی. مجلس ده کینگاش وکیل لری وزیردن سوال قیلیشی طلب ایتیشدی لیکن مجلس اداری هیآتی وکیل لر گه بو باره ده فکر ملاحظه بیلدیریشلریگه وقت بیرمه دی.

شونینگ دیک، ملی امنیت اداره سی نینگ اورن باسری صحبت لری باشلنگنی ده خبرنگار لر مجلس نی ترک ایتیشی طلب ایتیلدی. لیکن ایرم نماینده لر اوشبو مجلس قوشنی مملکت لراینیقسه پاکستان نینگ استخبارات اداره سی مملکت مسآله لری بوییچه اره لشیشی حقیده ایکن لیگی نی ایتدی.

جمهوری رئیس حامد کرزی مصلت چی سی، جان محمد خان، اوتگن دوشنبه ایککی نا معلوم قوراللی شخص لر تامانیدن اوز منزلیده آتیب اولدیریلدی.