قراللی لر قندوز شهری ده گی بیر خصوصی شرکت گه هجوم اویشتیرگن لر

Image copyright AP
Image caption قندوز شهری ده گی هجوم ده عادی اهالی هلام بولگن

قندوز پلیسی نینگ سوزچی سی، سید سرور حسینی، توقنشو عسیان چی لر و خوف سیزلیک کوچلری آره سیده ایککی ساعت اوچون دوام ایتگننی ایتگن.

اوشبو هجوم پارتلوچی ماده جایلشتیریلگن بیر موتر شرکت بناسی یقینیده پارتله تیلگنی دن کیین روی بیرگن.

معلومات لرگه کوره، پارتلش دن کیین ینه ایککی عسیان چی مهمانجانگه کیریب، خوف سیزلیک کوچلری تامانی اوق آچگن.

هجوم قندوز شهری نینگ مرکزیده روی بیریب، نتیجه ده تورت خوف سیز کوچلری هلاک بولگن لر.

بوندن آلدن، عسیان کار لر خارج لیک لر توره دیگن مهمانخانه لردن بیریگه هجوم اویشتیریگنی خبر بیریلگن ایدی.

بی بی سی نینگ محلی منبع لریگه کوره، اوشبو بنا آلدن مهمانخانه صفتیه فایده لنردی. لیکن حاضر "کابوزا" دیب ناملنگن خصوصی شرکت فعالیت آلیب بارردی.

قندوز ولایتی نینگ پلیسیگه کوره، مذکور توقنشو ده کمیده اون کیشی تن جراحتی آلگن. جراحت آلگن لرنینگ اکثری عادی اهالی بولگن.

بی بی سی نینگ محلی خبر نگاریگه کوره، هجوم اویشتیریلگن بنا افغان-آلمان قوشمه شرکتی بولگن.

هجوم نی طالبان گروهی اوز زممه سیگه آلگن.

آلمان لیک کوچلر قندوز ده ناتو بیرلیگی ده فعالیت آلیب باریشه دی. اوشبو کوچلر بوندن آلدن هم نیچه مرته عسیان چی لرهجومی نشانی بولگن لر.

جاری ییل نینگ جون آییده قندوز شهریده آلمان کوچلری نینگ موتری یانیده روی بیرگن خود کوش هجومده کمیده اوچ کیشی عادی اهالی اولیب، و ینه اون بیر کیشی یره لنگن ایدی.