لیون پانه تا: افغانستانده عملیات میز دوام ایته دی

امریکا مدافعه وزیری لیون پانه تا، افغانستانده هلاکت گه اوچره گن تیک اوچره ده قربان بولگن 38 کیشی عاییله سیگه تسلیت اظهار ایتیب امریکا نینگ افغانستانده کی حربی ماموریتینی دوام تارتیشینی تاکیدله گن.

امریکا قوشینلری نینگ شینوک ناملی تیک اوچری میدان ورد ک ولایتیده هلاکت گه اوچره ب 38 کیشی قربان بولدی.

اولگن لرنینگ اکثریتی امریکا نینگ مخصوص حربیلری بولگن.

قربان بولگن لردن اوتزته سی امریکا عسکرلری بولیب بیرکیشی سی هم امریکا لیک لرگه ترجمان صفتیده فعالت الیب باره یاتگن افغان وطنداشی ایکن. شونینگ دیک یتتی کیشی سی افغان عسکری بولگن.

امریکا قوشمه ایلت لری نینگ مدافعه وزیری اوز بیاناتیده اوشبو شخصلرنی " جسارتینی " توصیف لب اولرنینگ ماموریتینی دوام بیریشینی تاکیدله گن.

ناتو نینگ عمومی باش کاتبی آندرس فوغ راسموسن، بیر خبرنامه ارقه لی اوشبو حادثه دن چقور الم گه توشگنینی معلوم قیلگن.

افغانستان جمهوررییسی حامدکرزی هم بیر خبرنامه ده تیک اوچرهلاکتیده 38 کیشینی قربان بولگنیدن تاسف بیلدرگندی.

ناتو کوچلری، تیک اوچرنی انیق قیسی منطقه ده هلاکت گه اوچره گنی باره سیده معلومات بیرمیدی. بیراق طالبان سوزچیسی ذبیح الله مجاهد هلاکت گه اوچره گن تیک اوچر میدان ورد ولایتیده طالبان تمانیدن اوریب توشریلگنینی ادعا قیلگن.

اونگه کوره طالبان نینگ محلده بولگن قوماندانلریدن بیرینی اویگه ناتو هجوم قیلگنیدن کیین بو حادثه یوزبیرگن.