نادعلی ده گی اولگن لر طالبان اعضالری ایکن

هلمند محلی مقام لری، نادعلی اولوسوالیگیده ناتو کوچلری تمانیدن 7 کیشی هلاک بولگن لرنینگ، طالبان گروهی گه باغلیق بولگن کیشی لر دیب معلوم قیلگن. جمعه کونی ناتو کوچلری نینگ بیر گزمه سی طالبان گروهی هجومی بیلن یوزمه یوز بولگن بیر حالده هوایی کوچلر یاردمی نی سوره ب ، عصیانچی هجوم چیلرگه قرشی هجوم یولگه قوییب، نتیجه ده 7 کیشی نی هلاک ایتیب، بیر کیشی نی ایسه یره دار قیلگن لر. مذکور ییتی کیشی بیر اویگه جایلشگن لیگی بیلگی لنگن. هلمند ولایتی حاکمی نینگ سوزچیسی داود احمدی گه کوره، اوی نینگ ایگه سی، طالبان اعضالریدن بولگن. لیکن مذکور شخص نینگ 6 عایله اعضا سی مذکور هوایی هجوم نتیچه سیده هم هلاک بولگن. اوشبو شخص، طالبان گروهی نینگ ماین توزه توچی متخصص لریدن ایکن لیگی معلوم بولگن. "اوی راکت اوقی بیلن نشانگه آلینیب، ویران بولگن. اوی ایگه سی نینگ باله لری هم مذکور حادثه ده هلاک بولگن. اولگن لر بیر اوغیل باله، تورت قیزباله و بیر عیال دیر. شو اوی ایگه نینگ ینه بیر عیالی هم یره دار بولگن. عموماً آلگنده مذکور حادثه ده اون کیشی اولگن و ایککی کیشی هم یره لنگن دیب ایتدی داود احمدی" شو نینگ دیک مذکور اوریش ده ناتو کوچلری نینگ بیر عسکری هم هلاک ایتیلگن. مذکور هجوم جریانیده، طالبان گروهی، بیر نیچه حربی سیز انسان لرنینگ گروگان آلگنی نی ناتو کوچلری تایید قیلیب، حادثه نینگ تیکشیریشی دن خبر بیرگن ایدی. هلمند افغانستان نینگ اینگ ناقرار ولایت لریدن حسابله نیب کیلگن. هر چند مذکور ولایت ده خارجی کوچلر تمانیدن نیچه آی لیک کینگ عملیات یولگه قوییلدی، لیکن شونده ی بولسه هم مذکور ولایتده عصیان چیلر، کینگ کولمده فعالیت قیلیب کیلماقده. باشقه تماندن قرگنده، بیرلشگن ملت لر تشکیلاتی نینگ سونگی چیقرگن حساباتیده، 2011 نچی میلادی ییل نینگ بیرینچی آلتی آیی، خارجی کوچلرگه انچه یمان بولگن آی لردن معلوم بولگن. شونینگ دیک ، اوشبو حسابات نینگ معلوم قیلیشیچه، قریب بیر یریم مینگ حربی سیز انسان لر سونگی نا قرار لیک لرگه هلاک ایتیلگن. اوشبو رقم اوتگن ییلگه قرگنده، 15 فایز کوپه یگنی نی کورسه ته دی. مذکور حربی سیز انسان لر هلاک ایتیلیشی نینگ 80 فایزی گه طالبان گروهی مسوول بولگنی معلوم بولگن.