اوزبیک زبان جهادچیلیک افغانستان دن قوشینلر آلیب چیقیلیشی بیلن کوچیشی ممکن

تاشکنده جایلشگن ایکپیرت ایشچی گروهی اوزبیک زبان جهادچیلیک، اونینگ مفکوره وی اساس لری، اساسی یونه لیش لری و اونینگ مینطقه و جهانده گی، خصوصا افغانستانده گی جهادچیلیک بیلن علاقه لری باره سیده آلیب بارگن تدقیقاتینی چاپ قیلگن.

تدقیقات محرری، ایکسپیرت ایشچی گروهی دایرکتری سهراب جان اسماعیل وه نینگ یازیشچه، حجت ده اوزبیک جهادچیلیگی مفکوره سیگه موازن اتلی بها بیریله دی، همده اونینگ اساسی خوف و تهدیدلری، بو معمانینگ یچیمی یوللری یارتیله دی.

27- بیتلی حسابات موٌلفی پاریسده جایلشگن سیاسی تحلیلچی کمال الدینربی ماو اوز تدقیقاتی اساساً اوزبیکستان اسلامی حرکتی و اسلام جهاد اتفاقی گروه لرینی اورگه نیشگه قره تیلگنینی بیلدره دی.

بی بی سی بیلن صحبتده جناب ربی ماو جهادچی گروه لرنینگ فعالیتی جدی طرزده کوچیمه یاتگنی، لیکن افغانستانده گی وضعیت اوزگره یاتگنی و بو اوزبیک زبان جهاد چیلیک نی کوچیتریشی ممکن لیگیگه اشاره قیله دی.

"اوزبیکستان اسلامی حرکتی طالب لر بیلن بیرگه لیکده فعالت آلیب باره دی. شو ایککی اوزبیک تیلیده گپله شوچی گروه نینگ رهبریتی طالبلر رهبری ملا عمرگه بیعت یعنی قسم یاد قیلگن. امریکا جمهوررییسی باراک افغانستان دن حربیلری چیقیب کیتیش وقتینی بیلگی له دی.طالب لرنینگ سانی حتی 50 مینگه یتمسلیگی ممکن. لیکن طالبلرگه همدرد لیک بیلدره یاتگن اهالی 3-4 میلیون بولیشی ممکن. غرب چیقیب کیته دیگن بولسه. بو معما انچه کوچیه دی، نظریمده." دیدی او.

حکومت باسمی

جهاد چیلر صف نینگ کینگیشی سبب لری حقیده یازرایکن، موولف اوزبیک حکومتی نینگ دین دارلرگه نسبتاً محکوم قیلوچی سیاستنی اساسی عامل دیه تقدیم ایته دی.

" بو آدم لر قماقده قیناق لرده آلیشدن کوره، خارج ده کوره شیب آلیشینی افضل کوره دی "

"حکومت نینگ قتیغ سیاستی نتیجه سیده بو پیدا بولدی دیب حسابلی من. چونکی توقسنچی ییللرنینگ باشیده پیدا بولگنیده (حزب تحریر رحبری ) طاهر یولداش ایمس ایدی. اونده یاکی اطرافیده گی لرده جهاد غایه لری موجود ایمس دی. اولرنی سیاسی اسلام چیلر دییش ممکن ایدی،" دیدی تحلیلچی صحبت ده.

جناب ربی ماونینگ بی بی سی گه ایتیشچه، عینی دمده دینی باسیم یگانه سبب ایمس. جهادچیلر صفیگه کیلیب قوشیله یاتگن لرنینگ دین باره سیده یوزه کی معلومات گه ایگه بولگنلری هم بار.

قیرقزستانده گی زوروانلیک

اونگه کوره قیرقزستانده گی اوزبیک اهالی گه قرشی یوزبیرگن زوروانلیک لر هم قیرقزستانده گی اوزبیک لرنینگ جهادچی گروه لرصفیگه قوشیلیشگه یتک له گن.

تدقیقات موولفی اوزبیکستان جهادچیلیگی معماسینی اوزبیکستانده گی سیاسی اصلاحات لر بیلن یچیش ممکن لیگیگه ایشانه دی.

"دین ساحه سیده گی، فقرالیک جمعیتی باره سیده گی سیاست بوتونلی قیته کوریب چیقیلیشی کیره ک. حتی کی لیبرال قرشی سیده گی سیاستچیلر هم اسلام نی ایضا لیتسیه قیلیشینی تکلیف قیله یاپتی. منه بو خوفلی. مینینگ نظریمده، فقرالیک جمعیتی توله قانلیک فقرالیک جمعیتی بولیشی کیره ک. دین نماینده لریگه هم اجمتاعی وسیاسی ساحه سیده اشتراک ایتیش امکانیتی بیریش کیره ک."