وردکگه هلاک بولگن امریکالیک عسکرلر امریکاگه جونه تیلدی

Image copyright Reuters

افغانستانده فعالیت الیب باره یاتگن ایساف کوچلری نینگ اعلان قیلیشچه تیک اوچر هلاکتی باعث قربان بولگن اوتیز امریکا عسکری نینگ جسد لری DNA تیکشرودن اوتگنیدن سونگ امریکا گه انتقال بیریلگن.

اما افغان رسمیلری اوشبو تیک اوچر هلاکتی باعث قربان بولگن یتتی افغان عسکری نینگ DNAتیکشرودن اوتکزیش اوچون بگرام هوا قونالغاسیده ایکنینی ایتگن.

بوندن الدین میدان وردک ولایتی نینگ سید آباد تومنیده امریکا تیک اوچرلریدن بیرینی هلاکت گه اوچره گنی سبب اوتیز بیر امریکالیک و یتتی افغان عسکری قربان بولگندی.

میدان وردک ولایتده تیک اوچر هلاکتی باعث قربان بولگن امریکالیک عسکرلر نینگ جسدلری بیرینچی دن بگرام هوا قونالغاسیده کی حربی مرکزده انتقال بیریلگن. اوتگن کون اولرنینگ خاطرلش مراسمی بیرقنچه امریکا لیک حربی لر اشتراکی بیلن امریکا نینگ بگرام ده کی حربی مرکزیده بولیب اوتگن. ایساف کوچلری نینگ کابلده کی سوزچیسی کارستین جاکوبسن بی بی سی بیلن بولگن صحبتیده قربان لر جسدی امریکا گه یوباریلگنینی معلوم قیلدی.

عینی حالده امریکا مدافعه وزیرلیگی بیر خبرنامه ترقه تیب اولرنی انتقال بیریش مراسمیده مطبوعات فعاللرینی اشتراک اتیش لریگه ایزین بیریلمسلیگینی ایتدی. بیراق قربان بولگنلر عاییله لرینی اوشبو مراسمده حصه قوشیشلریگه توسیق یره تیلمس لگینی ایتگن.

باشقه تماندن افغانستان مدافعه وزیرلیگی امریکا تیک اوچری هلاکتی باعث قربان بولگن یتتی افغان عسکری نینگ جسد لری اوستیدن DNA تیکشرو اوتکزیش اوچون بگرام هوا قونالغاسیده ایکنینی معلوم قیلگن.

اوتگن کون هم ناتو کوچلریگه تیگشلی بولگن بیر تیک اوچرنی افغانستان نینگ پکتیا ولایتیده طالبان عصیانچیلری تمانیدن اوریب توشیریلگنی اوشبو گروه تمانیدن ادعا قیلگندی، بیراق ایساف کوچلری طالبان نینگ بو ادعا سینی نی رد ایتگن. ایساف کوچلریگه کوره تیک اوچر اضطراری قونیشگه مجبور بولیب طیاره ده کی شخص لرگه هیچ قندی زیان یتمه گن.