کرزی: سیلاولر حقوقی جنجل لرینی مستقل سیلاولر کمیسیونی حل ایتسین

افغانستان جمهور رییسی، پارلمان سیلاولری نینگ حل بولیشی اوچون مستقل سیلاولر کمیسیونی گه بویروغ بیرگن.

کرزی جنابلری نینگ مذکور بویروغی گه کوره، مستقل سیلاولر کمیسیونی، پارلمان سیلاولری نینگ بوتون حقوقی جنجل لری نینگ افغانستان باش قانونی و سیلاولر قانونی بناً زود لیک بیلن حل قیلیشی کیره ک.

شو نینگ دیک کرزی نینگ مذکور بویروغی گه سیلاولر مستقل کمیسیونی دن تشقری بوتون اداره لر نینگ پارلمان توغری سیده فعالیت لری توگه گنی معلوم بولگن.

جمهور رییس کرزی شونده ی بیرحالده مذکور بویروغ نی صادر قیلگن کیم، بوندن بیر یریم آی ایلگری سیلاولر قلاب کارلیگی نینگ تیکشیروچی مخصوص محکمه ملی کینگاش نینگ 62 عضوینی سیلاولر قلاب کارلیگیگه عیب لب اولر نینگ اورنیده ناراض نامزد وکیل لر مجلس ده کیریشی نی قرار آلگن ایدی.

اوشبو محکمه مملکت عالی محکمه سی نینگ پیشنهادی و جمهور رییس کرزی نینگ تاییدی بیلن ایجاد ایتیلگن ایدی. لیکن مستقل سیلاولر کمیسیونی مذکور محکمه ایجاد ایتیلشی و او نینگ قرارینی قانون گه قرشی دیب معلوم قیلگن ایدی.

جمهور رییس کرزی پارلمان سیلاولری حقوقی جنجل لری نینگ حل قیلیش مقصدیده مستقل سیلاولر کمیسیونی گه تاپشیگنی دن کیین، مذکور کمیسیون سیلاولر نینگ بیرینچی نهایی نتیجه سی توغری بولگنی نی معلوم قیلگن.

شونده ی بیرحالده بیر قنچه تحلیل چیلرگه کوره، کرزی جنابلری مذکور بویروغ نینگ صادر قیلیشیدن اساسی مقصد، مخصوص محکمه نینگ قراری، سیلاولر مستقل کمیسیونی تمانیدن عملی بولیشی دیر.

باشقه تماندن، ملی کینگاشده گی ملت وکیل لر ایسه، مملکت باش محکمه رییسی بیلن بیش اعضا سی شو نینگ دیک باش قاره لاوچی نینگ اعتماد سیز آواز بیرگن لر.

عین دمده، اگرده بیر ملت وکیل مجلس دن چیقریلسه مذکور ملت وکیل لر، جمهور رییس نینگ اعتبار سیز قیلیشی گه اورینیش لری نی هم معلوم قیلیب قویگن لر.

هرچند کرزی نینگ سونگی بویروغی قنقه عملی بولیشی توغری سیده حاضر گه قدر هیچ بیر نیرسه معلوم بولمه گن لیکن بیر قنچه تحلیل چیلر گه کوره، مستقل سیلاولر کمیسیونی پارلمان سیلاولری نینگ جرمی مسئله لریگه قولی بولگن قریب 30 ملت وکیل نینگ مجلس دن چیقریشیده قرار آلیشی ممکن.