معارف وزیرلیگی یاش لر اوچون مسلکی مکتب لرنینگ کوپه یتیرماقده

افغانستان معارف وزیرلیگی، 41 مسلکی و حرفه وی مکتب نینگ اوتگن تورت آیده مملکت ایریم حدود لریده ایجاد ایتگنی دن خبر بیرگن.

مذکور وزیرلیک مقام لریگه کوره، اوشبو مکتب لرگه قریب 25 مینگ طلبه، زراعت، حسابدارلیک و کمپیوتر تخنیک لری نینگ اورگه نماقده.

افغانستان معارف وزیرلیگیگه کوره، ایجاد ایتیلگن 41 مسلکی مکتب لرنینگ بیش ته سی پایتخت کابلده و قالگنی ایسه ایریم ولایت لرده فعالیت قیلماقده.

مذکور وزیرلیک مقام لری نینگ معلوم قیلیشیچه، دولتی عالی اوقو یورت لریگه یول تاپمه گن یاش لر شو نینگ دیک خصوصی عالی اوقو یورت لرگه قورب لری ایتیشمه گن یاش لر، مذکور مسلکی مکتب لرگه جذب ایتیله دیلر.

معارف وزیرلیگی نینگ سوزچی سی امان الله ایمان گه کوره، مذکور مکتب لرگه قریب 25 مینگ یاش ایریم مسلک لر نینگ اورگنیشیده اورینماقده. وکیله سی زمانده لرده باشقه مسلک لر هم فعال بولیشی ریجه لنگن.

اوزاققه توشگن منطقه لردن مذکور مکتب لرگه درس اوقیش اوچون کیلگن یاش لرگه یتاق خانه هم موجود.

معارف وزیرلیگیگه کوره، مذکور مکتب لرنینگ ایجاد ایتیشی دن مقصد، یاش لرگه ایریم مسلکی حرفه لرنینگ اورگه تیشی و ایش سیز لیک لر نینگ آلدینی آلیشی دیر.

افغانستان حکومتی و خلق ارا تشکیلات لر تمانیدن ترقه تیلگن حسابات گه کوره، حاضر افغانستان اهالی سی نینگ یوزده 70 فایزی سواد سیز بولیب شو نینگ دیک قریب تورت ملیون یاش هم مذکور مملکت ده ایش سیزلیک بیلن حیات کیچیرماقده.