پارلمان کینگاشی نینگ جدی آگاه لنتریشی

جمهوررییس کرزی نینگ بویورغی گه قرشی ملت وکیللرینی اعتراض لری دوام ایترایکن بو اعتراض لر ایسه جدی بیرشکلده اگاه لنتریش مرحله سیگه ایتیشدی.

افغانستان نماینده لر کینگاشی نینگ بوکونگی یغینی هم بوموضوع گه قره تیلیب اکثریت ملت وکیللری پارلمان سیلاونتیجه سیده احتمالی هرقندی اوزگریش نی قبول قیلنمس لیگیگه اواز بیردیلر.

نماینده لر کینگاشی نینگ اورین باسری احمد بهزاد گه کوره سیاسی مصلحت نامی بیلن ملی کینگاش ترکیبیده اورگریش کیلتریلیشگه ایزین بیرمسلیگینی ایتدی.

باشقه تماندن قانون دن حمایت قیلیش اتی بیلن قوریلگن پارلمان نینگ باشقه بیر گروپینی اعتراضی اوچینچی کون هم پارلمان تشقریسیده دوام ایتدی. بو اعتراض ایسه جمهوررییس حامدکرز نینگ چیقارگن قراریدن سونگ باشلندی، کرزی جنابلری بوندن نیچه کون الدین بیر قرار چیقاریب پارلمان سیلاونتیجه لری خصوصیده اینگ سونگ قرار مستقل سیلاو لر کمیسیونی تمانیدن اعلان قیلنیشینی معلوم قیلگندی.

مستقل سیلاولر کمیسیونی الدین پارلمانی سیلاو نتیجه سی خصوصیده تیکشریش الیب باریش اوچون مخصوص محکمه قوریلیشگه قرشی چیققندی بیراق کرزی نینگ سونگی قرارینی خوش قرشی له دی.

قانون دن حمایت ایتیش نامی بیلن قوریلگن پارلمانی گروپی نینگ باشلیغی ظاهر قدیر مستقل سیلاولر کمیسیون باشلیغینی اوز قراریگه توخته مه گنینی قیتغ قاره لب بوحقده شوندی دیدی "ایشیته میز مستقل سیلاولر کمیسیونی اوز موقفیدن قیتگن بونی ایشتسین کی شوندی حالت ده محکمه، مستقل سیلاولر کمیسیونی و قاره لاوچی اداره لری اره سیده هیچ قندی فرق یوق، اگرده بو کمیسیون اولگی موقف دن قیتگن بولسه بو کمیسیون بیلن هم محکمه و قاره لاوچی دیک یانداشیله دی چونکی بو کمیسیون شوندی عمل گه قول اورگنده قانون نی ایاق استی ایتگن بوله دی ."

اعتراض بیلن چیققن ملت وکیللری جمهوررییس کرزی نینگ قانوننی ایاق آستی ایتگنی گه عیبلب له ماقده اولرنی ایتیشلریچه انه شوندی اعتراض لری بیلن بوکبی عمل نی الدینی الماقچی.

پارلمانی سیلاو نتیجه سی خصوصیده تیکشریش الیب باریش اوچون مخصوص محکمه قوریلیشی حکومت وپارلمان اره سیده قرمه قرشی لیک لرنی اورته گه الیب کیلدی نهایت اوشبو محکمه قراری اعلان بولیب 62 ملت وکیللرینی وظیفه لری اوشبو محکمه تمانیدن بیکار قیلنیشی بو ایککی کوچ اره سیده قره مه قرشی لیک لرنی تابه را کوچیتردی.

ایریم لر شوندی حالتنی دوام تارتیشی افغانستان نینگ سیاسی بحران گه الیب کیلیشی ممکن دیگن خواطرلرنی بیلدرماقده.